مع # ضد ؟

يازملاء بدي رأيكم
هل أنت مع # ضد الاختلاط بالصفوف ؟
يعني بتوضيح أكثر هل تفضل أن يكون الصف (بنات وشباب)أو لا؟؟
بتمنى كل واحد يحط رأيو بصراحة والسبب ؟

أنا مع نكون بنات لحلنا ومع نكون مختلط السبب
لنكون بنات لحالنا البنت بتاخذوا راحتها مشان تسأل أي سؤال للمدرس أو للمدرسة
ولما بتطلع على السبورة مشان اتجاوب أكيد رح يصير تعليقات بايخة وتافهة من قبل الشباب
شي بطعمة وشي بلا طعمة بس هذا الكلام مو لأني بنت بس هيك الواقع
وأنتو يعني الشباب أدرى صح ولا كلامي مو مزبوط ويلي

بعارض رأيي يحاورني اذا بيسمح أما أنو نكون مختلط بفضل الاجابة عليه بعدين

وانا بحب نكون شباب لحلنا ما يكون في بنات
السبب:لانوا البنات بحكن كثير في اسباب كثير غير هل سبب

مشكورين ع الردود
قطر الندى دائماً أفكارنا متقاربة ونفس طريقة التفكير يعني أنا معك بلي حكيتيه وخاصة شغلة التعليقات البايخة مع( احترامي للجميع)
أخي أنور البنات يلي بحكن كثير ؟؟
لكن الشباب شو بيعملوا ؟؟
على كل الأحوال شكراً لآرائكم

يا صبايا طولن بالكن
قطر الندى ما قصدت أنها بتخجل تسأل إذا كان في شباب بالصف أنا بعرفها لو شو ما كان وعندها سؤال بتسألو بس هي خجولة يعني لما كنا السنة الماضية مختلط وشي بنت سألت سؤال يصيروا الشباب يتبايخو ويعلقوا والشغلة ما وقفت بس على الأسئلة خلينا نشوف باقي الأعضاء
وعلى كل الأحوال بيظل رأي شخصي
وشكراً لجميع من ساهم ........

بفضل نكون شباب لحالنا
لكي نا خذ راحتنا
وبفضل انكون مختلط
لكي يصير تنافس بين الطلاب جميعا
ومشكور على السؤال

مشكور أخي الأدبي على رأيك
وشايفة أنو كل الشباب حابين يظلوا لحالهن ؟؟

أنتن عم بتقولن زمالة أية زمالة بين الشب والبنت
لأنو ما صفة زمالة بمعناها الحقيقي صفت زمالة بالمعنى الخارجي
أصلا كل بنت بتحكي مع شب ان كان الموضوع داخل النطاق الدراسي
أو خارجو رح يظل في لت وعجن ويلي مو مقتنعة تسأل شي زميل أو أخوها الأكبر
وبعدين بتحكم0

قطر الندى حكيك صحيح ما في شي اسمو صداقة أو زمالة بين شب وبنت يمكن مثلاً إذا داخل نطاق الدراسة أو العمل وبس أما إذا زمالة أو صداقة بالمعنى الحقيقي ما في .....
وهاد أصلاً موضوع ثاني نحن بدنا مع #ضد الأختلاط بالصفوف بس مرتبطين ببعض
شكراً لك قطر الندى على حكيك وعلى ردودك

قطر الندى حكيك صحيح ما في شي اسمو صداقة أو زمالة بين شب وبنت يمكن مثلاً إذا داخل نطاق الدراسة أو العمل وبس أما إذا زمالة أو صداقة بالمعنى الحقيقي ما في .....
وهاد أصلاً موضوع ثاني نحن بدنا مع #ضد الأختلاط بالصفوف بس مرتبطين ببعض
شكراً لك قطر الندى على حكيك وعلى ردودك

قطر الندى حكيك صحيح ما في شي اسمو صداقة أو زمالة بين شب وبنت يمكن مثلاً إذا داخل نطاق الدراسة أو العمل وبس أما إذا زمالة أو صداقة بالمعنى الحقيقي ما في .....
وهاد أصلاً موضوع ثاني نحن بدنا مع #ضد الأختلاط بالصفوف بس مرتبطين ببعض
شكراً لك قطر الندى على حكيك وعلى ردودك

ما شاء الله كفيتن و وفيتن
يعطيكن ألف عافية كلامكن مزبوط وتمام مثل وجهة نظري
بس شو ماني شايفة الشباب عم يشاركونا الحوار

معك حق عبق الياسمين ما شفنا رأي الشباب ؟؟
ولا عم يشاركونا الحوار !!

انا برايي انو نكون شبابمشان نعرف نوخذ راحتنا
وبفضل نكون مختلط مشان يقل الشغب

مشكور على مرورك أخيthemanager
وعلى كل الأحوال بيبقى رأي شخصي وأنا شايف أنو لما يكون شباب وبنات بيصير الشغب أكثر لأن الشاطر بيصير بدو يبين حالو قدام الثاني
مرة ثانية شكراً

السلام يا شباب ..كيفكم ...ان شاء الله تكونو بخير
حبيت علق على هالموضوع بالزات لأنو حساس للغاية وأنا بحسب تجربتي السابقة وبعد دخول جو الجامعة بشوف انو جو الاختلاط جو فاسد للغاية وهدا الجو لا يحقق شي من غايات مديرية التربية ولا التعليم
وبصراحة جربنا بالزمانات جو شباب لوحدنا وكان أحلى جو ...
رح تكتشفوا بعد الوصول للجامعة انو انتو بجو الاختلاط كان أغلب أفعالكم تصنع ومحاولات لفت الانتباه حتى أحياناً للأسف في التفوق بالدراسة
والفائدة الوحيدة من جو الاختلاط ...اكتشاف مواهب الزعرنة والهوايات في اللبس وبخ العطر واكتساب شركات الجل لأرباح طائلة اضافة الى شركات البودرة والمكياج
أما الخسارة كبيرة كثيير
يعني لما اتذكر شو كان يصير بالمدرسة أيام الاختلاط بضحك من كل قلبي على البنات والشباب يلي كانو يتولدنو وما بعرف شو مشان لفت الانتباه
مشكورة يا لحظة أمل على هالطرح المهم
مشكورين عيوني

شكراً كثير إلك أخي مرتاح لأني حاسة أنو بحكيك ريحت ضميرك
حكي صحيح 100% وما شاء الله كفيت ووفيت
مشكور لمرورك وعلى الحكي الجميل اللي كتبتو بخصوص الجل والبودرة والزعرنة ...

يا اخي شباب لحالنا غير الشب بيوخذ راحتو عالأخير مع إنو هذا الأمر راح يكسر شركات الجل والبودرة على رأي الأخ مرتاح
بعدين شو زمالة إي أنا بحلف عن كل الشباب إنو ما في بنت بتحكي مع شب إلا وبقول لصحابو هالبنت لو ما بتحبني ومعجبة ما بتحكي معي
عقلية الشباب عندنا لا تتقبل مفهوم زمالة أو صداقة
زمالة وصداقة في الدول المتقدمة مو بثانوية داعل؟؟؟؟؟؟؟؟؟؟؟؟
مع محبتي

انا بوافقك الرأي
وما في شب بيعتبر البنت متل اخت الو ابداا

مصبوط بداعل بالذات ما في صداقة بين شب وبنت ابدا..
مو خرج

مشكورة على الموضوع اختي

والله يأخي قيصر وصلت الفكرة اللي بدي ياها وشكراً على مرورك
افرل شكراً لرأيك ومزبوط بس ما كان رأيك هيك ؟؟؟ كنت حكيت أنو في زمالة بين الشب والبنت والزمالة هي نفسها الأخوة
أخي اكتوبر شكراً لمرورك
أخي محمد شكراً لمرورك بس ما عطيتنا رايك .....