رد: جاوب بنعم اولا وبدون فلسفه

من طرف **رجائي العاسمي** الجمعة مايو 29, 2009 7:51 am

أيمتى مايصحلي بفتحو بليل أو نهار
شو أكثر لون بتحبو؟؟؟

من طرف **Avril Lavigne** الجمعة مايو 29, 2009 3:50 pm

الابيض والزهر والازرق
نفس السؤال

من طرف **رجائي العاسمي** الجمعة مايو 29, 2009 4:12 pm

السماوي والكيوي والبيج والأبيض...
شو نوع السيارات يلي بتفضلو ؟؟وليش؟؟؟

من طرف برشلوني الجمعة مايو 29, 2009 4:14 pm

الأسود والاخضروالكيوي
نفس السؤال ؟؟؟؟؟

من طرف **Avril Lavigne** الجمعة مايو 29, 2009 4:22 pm

الـbmwلانها حلوة واهم شي المانية
نفس السؤال

من طرف **رجائي العاسمي** الجمعة مايو 29, 2009 4:45 pm

الأودي/ وتويوتا كامري
شو نوع الدراجات النارية يلي بتحبها Smile

؟.؟

من طرف **رامي العاسمي** الجمعة مايو 29, 2009 10:33 pm

ومن غيره يا رجائي آسيا هيرو(بطل آسيا ) ماتوري الحبيب

نفس السؤال

من طرف قطر الندى السبت مايو 30, 2009 3:00 pm

بصراحة أنا ما بعرف بأنوع الموتورات بس بعرف اسم كن واحد وعلى فكرة بحب ركبة الموتور بس مرتين جربتهن لأني بخاف
شو أحلى صوت عندك؟؟؟ يعني بتحب تسمع وليش؟؟؟

من طرف **رجائي العاسمي** السبت مايو 30, 2009 4:05 pm

صوت أمي لما تناديلي على الغدا أو على العشا وخاصة لما كون جوعان كثير...):
بتحب تتغدى بكير ولا متأخر وليش؟؟؟

من طرف White Angel الأحد مايو 31, 2009 12:04 am

بما انو بفطر متأخرة ... إجباري بدي أتـغدا متأخرة ...
نفس السؤال؟؟؟

من طرف **رجائي العاسمي** الأحد مايو 31, 2009 8:42 am

الغدا المسا أطيب .....مممممممممممممم
شلون فحصك اليوم؟؟؟

من طرف الادبي الأحد مايو 31, 2009 10:52 am

الحمد لله تمااااااااااااااااااااااااااااااااااااااااااااااااااااااااااااااااام كثيرررررررررررررررررررر
كثير بدك تقعدي على النت بالصيفية؟؟

من طرف *~.CuTe G!rL.~* الأحد مايو 31, 2009 11:46 am

أها أكيييييد....مو بس رح اعود علي رح عيش علي
كرهت/ي او كان في خلاف بينك و بين حدا من الأعضاء.؟.

من طرف قطر الندى الأحد مايو 31, 2009 12:37 pm

كرهت شوي بس خلاف لا أبدا يعني مو كره بمعنى الكره بس يضايقت شوي
نفس السؤال؟؟؟

من طرف **Avril Lavigne** الأحد مايو 31, 2009 12:56 pm

انا الحمد لله ما عملت خلافات مع حدا
نفس السؤال

من طرف **رجائي العاسمي** الأحد مايو 31, 2009 1:26 pm

والله صار معي خلافات كثير ولو ماكنت أتحمل كنت فصلت كثير من الأعضاء لأنو في عالم معدوم عندها الزوق بشكل.... Laughing

نفس السؤال؟؟؟؟

من طرف **Avril Lavigne** الأحد مايو 31, 2009 1:30 pm

جاوبت رح غير
كيف كانت الكيميا؟

من طرف **رجائي العاسمي** الأحد مايو 31, 2009 1:33 pm

أحلى من هيك ما في ...وكانت أحلى ثلاث امتحانات قدمتها الفيزيا والكيميا والإنكليزي والباقي كمان الحمد لله...
كيف كانت الرياضيات؟؟؟ Razz

من طرف **Avril Lavigne** الأحد مايو 31, 2009 1:38 pm

رووووعة غير شكل
شلون الهمة مشان الدورة تبع البكلوريا؟؟؟

من طرف **رجائي العاسمي** الأحد مايو 31, 2009 1:42 pm

إنشاء الله ممتازة للدورة وللسنة كلها وبدي عوض كل شي فات....
شو ناوين تعملو بالعطلة الصيفية؟؟؟

من طرف **Avril Lavigne** الأحد مايو 31, 2009 1:46 pm

انا عن نفسي بدي اسهر للصبح وانام للمغرب هههههه
واتفرج عالتيليفيزيون واقعد عالنت
شو اكتر شي رح تفتقدلو بس تطلع عالجامعة؟؟؟

من طرف **رجائي العاسمي** الأحد مايو 31, 2009 1:55 pm

المقالب يلي منعملها ببعض الأساتذة والمواقف الحلوة يلي بتصير بالصف والحكي والقعدات مع الزملاء والزميلات وبهادل الأستاذ ياسر Smile

والجو العام وكل المدرسة لأنو المدرسة جزأ من روحي بالنسبة ألي وهلىء زعلان كثير لأنو بلشت العطلة وماعاد في روحة على المدرسة ... Crying or Very sad

نفس السؤال؟؟؟

من طرف **Avril Lavigne** الأحد مايو 31, 2009 1:59 pm

والله بدي افتقد كلشي جو المدرسة بشكل عام و صحابي والاساتذة
وتصرفات هلاء وكلشي
لو ربحت فيزا لامريكا بتروح ولا لاء؟؟؟

من طرف **رجائي العاسمي** الأحد مايو 31, 2009 2:04 pm

إذا سياحة أو محنة دراسية أوكي أما روح عيش هناك لأ لأني من النوع يلي بحب بلدو وأهلو وحارتو وبيتو وأحبابه وأصحابه....وبكره الغربة بشكل مع أنو ما في شي بطمع بالعيشة هون لأنو الوضع مثل مالكم شايفين....
نفس السؤال؟؟

من طرف **Avril Lavigne** الأحد مايو 31, 2009 2:08 pm

انا بروح وعلى ميامي حصراً
طيب هلاء والدك حالتو خطرة محتاج لقلب اوكي (يعني ممكن يكون قلبو تعبان كتيييير)
بتتبرعلو بقلبك؟؟؟؟