قصة بنت على الماسنجر لا تفوتكم

هاي قصه بنت اسمها سارة مدمنه على النت وكانت ما تسكر النت إلا الساعة 1 بالليل
في يوم من الأيام أضافها واحد ومسمي حاله ( الإمبراطور ) المهم مر أسبوع وهي بدها تعرف مين هذا
بعد ثلاثة أيام دخل هو الماسنجر وشافته طبعا انبسطت عشان بتفتح تحقيق
هو : الإمبراطور :
هاي
سوسو :
مين أنت
سوسو ::
ومن وين عرفت ايميلي شلون ضفتني ومين أعطاك الايميل...الخ
الإمبراطور ::
بسم الله شوي علي
سوسو :
سلامتك ماني صارعتك يالله بسرعه جاوب
الإمبراطور :
ليش أنتي بنت
سوسو :
أي عندك مانع
الإمبراطور :
لا بس أنا غلطان أختي لأني كنت بضيف صديقي وطلع الايميل غلط سوسو :
وليش تغلط عمي ماتشوف
الإمبراطور :
أختي قلنا آسف عن الغلط من البداية ماسكتها تحقيق معي
سوسو :
لكن تضيف بنات الناس وما بدك حدا يحقق معك والله شب فاضي ما عندو شغله
الإمبراطور :
أقول أختي فرصه سعيدة وآآسف مرة ثانيه وممكن انك تحذفيني أو تحضريني إذا مش عاجبك الوضع
سوسو :
يعني شو قصدك
الإمبراطور :
اقصد مع ألف سلامه
سوسو :
ليش ما اعتقد كلامي يزعل
الإمبراطور :
لا بس أنا مشغول شوي باي
سوسو :
لحظه لحظه
الإمبراطور :
هلا تآمرين بشي
سوسو :
لا سلامتك بس ماقلتلي شو اسمك
الإمبراطور :
هههه ليش مهم
سوسو :
وليش الضحكة ما اعتقد كلامي يضحك
الإمبراطور :
لا أبدا لكن كلامك بالبداية غير وهذا غير
سوسو :
طيب آسفة على السؤال باي
الإمبراطور :
باي
**************
وضلت سارة حاقدة عليه لأنه استفزها وما أعطاها وجه
ومر يومين وما شافته بالنت طبعا مدة طويلة لوحدة طول وقتها بالنت
المهم لما دخل على الماسنجر على طول هي اللي بدت الكلام
سوسو :
مرحبا
الإمبراطور :
مراحب
سوسو :
كيف الحال
الإمبراطور :
بخير
وبعد صمت طويل
سوسو :
آسفة الظاهر انك مشغول وأنا عطلتك
الإمبراطور :
لا أبدا حبي لكن أنا اشتغل على البحث حقي وما ادخل الماسنجر كثير
سوسو :
وشو حبك حبتك القرادة قول إن شاء الله
الإمبراطور :
وش فيك انقلبتي
سوسو :
بس بأي صفه تقول حبي
سوسو :
الحق على اللي يكلمك مش عليك
الإمبراطور :
سوري آنا آسف وحقك علي
سوسو :
سوري ولا لبناني ما يهم وهاي آخر مرة تقول هالكلام
الإمبراطور :
طيب يا صاحبه السمو أوعدك ما أعيدها
سوسو :
الـــله عجبتني كلمه صاحبه السمو يا هيك الحكي يا بلا
الإمبراطور :
خلص من اليوم ورايح راح أناديك صاحبه السمو شو بدك أكثر من هيك
سوسو :
طيب أنا شو أناديك
الإمبراطور :
هههههه
حلو ذكائك أنا ناديني باسمي خالد
سوسو :
واااو اسمك جنان حلو كثير حلو مش مثلي طاح حظي
الإمبراطور :
كل واحد اسمه حلو ولايق عليه
سوسو :
ليش مش حاب تعرف شو اسمي
الإمبراطور :
على راحتك إذا حابه تقولي قولي وإذا مش حابه اكتفي بصاحبه السمو
سوسو :
طيب كم عمرك شكلك مش كبير
الامبراطور :
عمري 25 سنه
سوسو :
العمر كله بس صغير
سوسو :
على فكرة أنا اسمي سارة وعمري 18
سوسو :
أقول شو رأيك أنا معي شله بنات نضيفهم بالمحادثه وندردش
الإمبراطور :
لالا أنا مثل ماقلتلك عندي بحث ولازم أخلصه
الإمبراطور :
باي
سوسو :
براحتك باي
××
وضلت سارة دوم تفكر فيه وبعدها ضل لمدة ثلاثة شهور ما يدخل النت
البنت جنت وقالت أكيد شافلو شوفه ثانيه
وضلت تفكر فيه لكنها كانت تقول دوم هو غير الشباب اللي بالنت هو غيرهم كلهم واحد ثقيل
ما يهمه البنات كثير
وبعد أسبوع....
××
الإمبراطور :
يا مساء الخير والإحساس والطيبة
سوسو :
آهلين وينك يا قطعي
الإمبراطور :
سلامتك لكن الاختبارات ما ترحم وهاي آخر سنه لي
سوسو :
الله يوفقك
الإمبراطور :
وحشتيني مووت
سوسو :
أنت أكثر
الإمبراطور :
عن جد بتحكي ؟؟ ما أعتقد!!
سوسو :
والله ما اقدر على فرقاك عن جد بحكي شوفلك صرفه
الإمبراطور :
خلص أنا عندي حل يرضي الطرفين
سوسو :
شو هو ؟
الإمبراطور :
شو رأيك أعطيك رقم جوالي وإذا حبيتي تشوفيني بالنت أو وحشتك مثل ما بتقولي أرسلي بس رساله لي
سوسو :
نعم نعم نعم لا منت صاحي ولا تفكر بيوم أني مثل البنات اللي أنت بتحاكيهم أنا بنت ناس ومتربية وو .....
الإمبراطور :
والنعم لكن أنا ما قلت بكلمك قلت أرسلي رساله و يصير خير
سوسو :
خلص غير الموضوع بسرعة
الإمبراطور :
اوكي لكن هذا رقمي إذا حبيتي تشوفيني مرة ثانيه بالنت أرسلي بس رسالة
××××××××
سوسو :
طيب باي
الإمبراطور :
باي
××××××
طبعا سارة أخذت موقف من خالد لكنها ولشدة فضولها سجلت الرقم
المهم بعد كم يوم اشتاقت تكلمه أو بالأخص عندها موضوع حبت تقوله عنه
فكرت وفكرت شو تسوي أو كيف تشوفه بالنت
فقالت لنفسها : ليش ما أرسله رسالة مثل ما قال هو ما بيكلمني ولا أنا راح اكلمه
المهم كتبت برسالتها (( خالد معليش لو سمحت تدخل النت ضروري ))
المشكلة انه مارد عليها
مرت نص ساعة على ها الوضع
انقهرت البنت وأرسلت رسالة (( معليش آسفة على الإزعاج ))
وكرهت نفسها بعد هذا الموقف أنها تصورت انو مطنشها
وبعد أيام (( شافته بالنت ولا كلمته وضلت على هذا الوضع ربع ساعه ))
ملت وتنازلت أنها هي اللي تبدأ بالكلام
×××××××
سوسو :
السلام عليكم
الإمبراطور :
هلا والله
سوسو :
لو سمحت احذفني من عندك وما عاد أشوف رقعت وجهك بالماسنجر
الإمبراطور :
اللهم سكنهم شو اللي صار
سوسو :
بعد الحركة اللي سويتها معي ما عاد بدي أحاكيك أو حتى أشوفك عندي
الإمبراطور :
ليش لا سمح الله أنا شو سويت
سوسو :
لا أنت بريء ما بتسوي شي
سوسو :
بس طنشتني وأنا كنت محتاجه لك ذاك اليوم
الإمبراطور :
أي يوم
سوسو :
اقصد الرسايل اللي أرسلتها لك لاتستهبل خويلد
الإمبراطور :
آآآه قصدك تبع النت
سوسو :
أي هي ليش ما دخلت النت أو حتى قلت انك مشغول
الإمبراطور :
لا عمري أنتي فهمتي غلط أنا فكرته واحد من العيال مطلع رقم جديد
سوسو :
لا بس أنا آسفة وهاي آخر مرة كانت لحظه طيش
الإمبراطور :
عمري لا تقولي هالكلام وثاني شي أنتي قلتي انك ما بدك الرقم آخر مرة شفتك فيها
سوسو :
طيب قلتلك إنسا الموضوع
الإمبراطور :
طيب شو هو الموضوع المهم اللي كنتي بدك تقوليه
سوسو :
خلص مالو داعي
الإمبراطور :
بتقولي ولا كيف ؟؟؟؟ تراني عصبت
سوسو :
كل ما في الموضوع إن أنا خطبني محمد ابن عمي طيب، وأنا ما بحبو ولا أطيق أشوف رقعت وجهو
وأهلي موافقين كلهم وأخاف ارفض وعمي يزعل من بابا
الإمبراطور :
والمطلوب
سوسو :
انصحني
الإمبراطور :
شوفي أنا ماني سريع بالكتابه
يعني راح اتصل عليكي واقولك رأيي لان الموضوع باين عليه طويل
سوسو :
لااااااااا مجنون أنت
الإمبراطور :
يا بنت الناس ماني مآكلك وثاني شي أنتي لا تحكي أنا بس اللي راح احكي اوكي
سوسو : وبعد تفكير
طيب لكن أنا ما بقول ولا كلمه
الإمبراطور :
اوكي
××××××××
بعد ثواني
تررررن ( نغمه راشد )
خالد : الووو مرحبا
سارة:...... (صامته البنت تستحي)
خالد : طيب قولي مرحبا أنا هيك ما بعرف احاكيكي وأنتي ساكتة يعني كأني مجنون بحكي مع حالي
سارة : (( بلا شعور )) لا سلامتك
خالد : الله يسلملي هالصوت الحلو
سارة : (( لاتعليق ))
خالد : اوكي ما راح أطول عليكي أنتي قلتي انك ما بتحبيه ممكن اعرف السبب
سارة : ضروري تعرف
خالد : أكيد عشان أقولك رأيي
سارة :
(( سارة طبعا بلا شعور )) لأنه واحد معقد وتافه وما عندو سالفة
خالد : يما منك هيك على طول خليتيه معقد ؟ أكيد في سبب
سارة : لا بس من طريقه كلامه وأسلوبه وثاني شي شايف عمرو مدري على شو كأنه ما في حدا درس جامعه غيرو
خالد : يعني المثقف عندك معقد أو مغرور
خالد : أنا طيب مهتم بدراستي فوق ما تتصوري
سارة : لاااااا عاد أنت غير
خالد : من أي ناحية
سارة:كلك على بعضك حلو
خالد : احم احم
خالد : كله من ذوقك يا عسل
سارة : تسلم (قالتها بكل خجل )
خالد : المهم إذا كنتي لهالدرجه ما تحبيه خلص ارفضي واللي يصير يصير
سارة : طيب ممكن طلب
خالد : آمري
سارة : ممكن ترسلي صورتك
خالد :هههههه لا طبعا
سارة : طيب آسفة
خالد : لا عمري لا تزعلي لكن أنا عن جد مش وسيم وبخاف تنصدمي
سارة :طيب اوصفلي نفسك
خالد : احم احم طبعا أنا قصير اسمر شعري كشه على قولكم انتو البنات
سارة :ههههههههه شو دعوة
خالد :طيب هذا ابن عمك حلو
سارة : ياي بجنن تخيل طويل وابيض عيونو عسلية وشعرو ناعم مثل جواد العلي
خالد : هههههه هذا اللي قاطع قالبكم يالبنات جواد وطقته
سارة : لا بس ما شاء الله عليه كثير وسيم يمكن أحلى مني بعد
خالد :ليش أنتي مش حلوة
سارة :لا قمر وأحلى من القمر بعد لكن أنا متواضعة
خالد : هههههه واضح متواضعة
سارة : اووو خالد الساعة 2 الوقت سرقنا وأنا عندي بكرة مدرسه
خالد : اوكي عمري ما أطول عليك لكن بكرة بس اقعد الصباح راح أدق عليكي اوكي
سارة : اوكي مع السلامة
خالد : تصبحي على خير
×××××××
جلست سارة الصبح وهي متأخرة على الدوام
وطبعا أعطوها حرمان من الحصة الأولى
جلست بالساحة تفكر بخالد وفجأة رن الجوال ( نغمه راشد )
خالد : الو
سارة : الوووو
خالد : يسعد لي هالصباح
سارة : هلا والله الطيب عند ذكره
خالد : مشاء الله كنتي تفكري فيني ولا كلام بس
سارة : أنت شو شايف
خالد : ما قلتيلي ماعندك درس هلأ
سارة : لا عندي بس حرموني منو لأني رحت متأخرة
خالد : اوووف ما عاش مين يزعل عمري
وضلت سارة وخالد على هذا الحال كل يوم تكلمه ولا تفوت أي شي إلا وتقوله له
ورجع في يوم من الأيام ولد عمها وتقدم لها للخطبة
لكن أهلها هاي المرة غصبوها على الموافقة
ووافقت بعد تردد وتفكير طويل
واتصل خالد : الووو عمري كيف الحال
سارة : هلا حياتي كيفك
خالد : تمام
سارة : خالد أقولك على شي متعبني
خالد : شو هو لا يكون تعبانه أو مريضه
سارة : لا حياتي لكن ولد عمي رجع خطبني مرة ثانيه وأهلي غصبوني عليه
خالد : طيب ( يعني شو )
سارة : يعني أنا وافقت عليه وصار خطيبي وبعد أسبوع كتب كتابي عليه
خالد : طيب بتحبي أخطبك
سارة : أنت تتمسخر ( تقولها وهي تبكي )
خالد : لا عمري لكن ليش تبكي
سارة : لأنك آخر واحد فكرت انه يتمسخر علي
خالد : طيب أقولك على سري اللي ما قلته لحدا قبلك
سارة : شو هو
خالد : أنا كمان خاطب بنت قرايبنا
سارة : شو ‍‍‍‍!!!!!وليش ماقلتلي؟؟ لهالدرجه أنا رخيصة ووو...
خالد : أنتي شو فيك شوي علي
خالد : آه وعلى فكرة اسمها سارة وعمرها 18 وهي بنت ولا كل البنات
سارة : شو قصدك ؟
خالد : قصدي يا عمري أنا اسمي محمد ولسه متخرج وخاطب بنت عمي سوسو
سارة : (بدون شعور سكرت بوجهه السماعة )
المهم بعد ما عقد العقد أجا عشان يشوفها ويجلس معها
هي كانت تبكي وتقوله ليش سويت هيك فيني حرام عليك
قالها لأنك كنتي ما تحبيني وخليتك تحبيني غصب صح

ههههههههههههههه جميلة شكرا لكي

هههههههههههههههههه
حلوة
يسلمو ايديك
تحياتي
ايفرل

مشكورة على المرور.....
Blue

مشكور اخي ماجد على المرور

هلااااااااااا وغلااااااااا
منورة ايفرل

صار مسلسل تركي
مشكوره على كل حال

هههههههههه
مشكور على المرور

والله ما بعرف شو بدي أحكي
مشكورة جدا لأنها قصة حلوة جدا مشكورة للمرة الثانية

يا الله ما اروع هالقصة عن جد كتير حلوة وبتمنى الكل يقراها
مشكورة اختي على هيك قصة
بس سؤال ... بالاخير تزوجوا ولا انفصلو؟؟؟؟؟؟

لاااااااااااااا
اكيد لازم يتزوجو مو معقول بعد هالعذاب
شكرا لك اختي على الموضوع

قصة رائعة لكنها تشجع الناس على بعض الأخطاء التي ممكن أن تؤدي إلى الصواب وبرأيي هذا لا يحدث إلا في الأفلام
لأنه من باب المنطق أنه كل ما بُنيَ على أساس مائل نتيجته حتماً الانهيار
مشكورة

مشكور
عنجد حلوة