رسالة مهمة تظهر عظمة المسلمين ... (هكذا كنا فمتى نعود ؟؟)

رسالة الملك الإنكليزي جورج الثاني
من جورج الثاني ملك إنكلترا والغال والسويد والنروج إلى الخليفة ملك المسلمين في مملكة الأندلس صاحب العظمة هشام الثالث الجليل المقام:
بعد التعظيم والتوقير، فقد سمعنا عن الرقيّ العظيم الذي تتمتع بفيضه الضافي معاهد العلم والصناعات في بلادكم العامرة، فأردنا لأبنائنا اقتباس نماذج هذه الفضائل لتكون بداية حسنة في اقتفاء أثركم لنشر أنوار العلم في بلادنا التي يحيط بها الجهل من أربعة أركانها. وقد وضعنا ابنة شقيقنا الأميرة دوبانت على رأس بعثة من بنات أشراف الإنكليز، لتتشرف بلثم أهداب العرش والتماس العطف، وتكون مع زميلاتها موضع عناية عظمتكم وفي حماية الحاشية الكريمة، والحدب من قبل اللواتي سوف يقمن على تعليمهن، وقد أرفقت الأميرة الصغيرة بهدية متواضعة لمقامكم الجليل، أرجو التكرم بقبولها، مع التعظيم والحب الخالص.
من خادمكم المطيع
جورج. م . أ
جواب الخليفة الأندلسي هشام الثالث
بسم الله الرحمن الرحيم
الحمد لله رب العالمين والصلاة والسلام على نبيه سيد المرسلين وبعد:
إلى ملك إنكلترا وايكوسيا واسكندنافيا الأجلّ
اطلعت على التماسكم، فوافقت على طلبكم بعد استشارة من يعنيهم الأمر من أرباب الشأن، وعليه نعلمكم أنه سوف ينفق على هذه البعثة من بيت مال المسلمين، دلالة على مودتنا لشخصكم الملكي. أما هديتكم فقد تلقيتها بسرور زائد، وبالمقابل أبعث إليكم بغالي الطنافس الأندلسية، وهي من صنع أبنائنا، هدية لحضرتكم، وفيها المغزى الكافي للتدليل على التفاتتنا ومحبتنا، والسلام.
هشام
خليفة رسول الله في ديار الأندلس




هذا مجدهم وشرفهم بنوه بأنفسهم
فأين نحن و أين مجدنا ؟!

موجود...........بس هو رايح مشوار
شغلة 200سنة وراجع لاني كنت احكي مع عالنت هو قلي مو مطول.........


تقبل مروري

لا أدري............

بس الناس تحط عقلها براسها وتسعى لتعيدو ساعتها بيرجع

ابو اسامة
الظاهر انك يئسان من انك تشوف الاسلام له عظمة كما كان ... بس الله قدير
gandalf
ان كنت تدري فتلك مصيبة وان كنت لا تدري فالمصيبة أعظم
جود
كلامك صحيح.....لكن هل تطبقين هذا الكلام

وانا أضيف
لن يغير الله ما في قوم حتى يغيروا ما في أنفسهم


شاكرا مروركم العطر

ان شاء الله ما بقصر بس انا لوحدي ما بكفي ......صح؟

يا اخي انا مو يئسان بس انت شايف الوضع شي ببكي....
نحنا عم نعمل يلي علينا............

والله يا جود
ما بحب أحكم على الانسان بسرعة
لكني متوسم فيكي الخير من كتاباتك العاقلة
انت لوحدك الآن بس بعد فترة بهمتك رح يصيروا كثير
طول عمرو التغيير ما ببدأ بجماعات ولكن بفرد يجمع الناس حوله وينشر الفكر
هيك الرسول صلى الله عليه وسلم
والعلماء المصلحين من بعدو
وانتي حقيقة مو لوحدك بكل مكان بتلاقي ناس بتفكر نفس الشي وبتسعى لنفس الهدف

والله يوفقك

ابو اسامة
الله يوفقك

الله بوفقنا جميعا .........لسى الدنيا بخير بس موكتير ....
وان خليت خربت .......اكتر من هيك خراب ........بس كمان مو كتير

اكيد ما خليت الدنيا و بعد في ناس بيسعوا حتى يعيدوا هالمجد
يمكن ما حتصدقوا لو قلتلكم انو في شخص بيقربلي المرة الماضية كان عم يبكي على حال العرب و عدى المسجد الأقصى و كان يشكي مو بهمومو بهموم الأمة الاسلامية كلها وامو خبرتنا انو من فترة حزم غراضو هو وشوي من رفقاتو وقال نحنا رايحين عالقدس و على فكرة كلهم اعمارهم 17, 18 سنة وانا برأيي منبلش نستعيد هل الأيام بس انو نحقق شي اسمو نظافة لانو عنجد بمشي بالشارع و الورق بيصير على وجهي فلساتنا بعيديييين.

اكليل الورد
شي مفرح ان نعرف ان في ناس بتحن لمجد أمتها الضايع
بس الحل مو بالأفكار الساذجة و التهور
الحل بأننا نرجع نربي أنفسنا وأهلنا وأصحابنا
نربي بشريعة الاسلام مو بشريعة القبائل
ولا على قانون كل من ايدو الو

قال أحدهم:
أمة لا تعرف ماضيها لا تحسن صياغة مستقبلها

خلينا نرجع بالتاريخ ونشوف الأسباب الي خلت القدس تروح من ايدينا
والاسباب الي قتلت أهل الاندلس

ونعالجها بشكل صحيح وقتها منقدر نحرر القدس


شكرا لمرورك العطر

انت برأيك انو تهور ياريت كلنا بهل التهور كنا من زمان حررنا القدس . بس للأسف كل واحد بستنى الثانيي حتى يبلش ....
و شكرا مواضيعك رائعة .

نعم أكليل الورد

تهور وأيما تهور أن نذهب لنحارب وللآن لم نحارب شهواتنا وأنفسنا
فكيف ننتصر على عدو إذا لم ننتصر على أنفسنا للحق جل وعلا


شكرا لك

هاي مشكلة الشاب العربي انو لسى ما استوعب انو نحنا اصحاب تاريخ ومجد وكل ما حدى يجيب سيرة الماضي بيضحك باستهتار على الوضع اللي عايشينو مع انو هالحالة ضحكتو الها سبب فيها و ياريت ننتصر على انفسنا لانو عنجد بس نحققو ما في مشكلة عالباقي يعني بتكون بداية الصحوة من هل النومة اللي صارلها زمن طويل .......

أمة لا تعرف ماضيها لا تحسن صياغة مستقبلها

"لن يغير الله ما في قوم حتى يغيروا ما بأنفسهم"

ممكن سؤال ابن الكتاب ؟؟؟؟
انت نازل نصائح بالعالم انت شو قدمت وشو سويت
ممكن اعرف؟؟ازا في بسؤالي شي بعزعلك انا بعتذر منك

MR.JOKER كتب:ممكن سؤال ابن الكتاب ؟؟؟؟
انت نازل نصائح بالعالم انت شو قدمت وشو سويت
ممكن اعرف؟؟ازا في بسؤالي شي بعزعلك انا بعتذر منك

اول شي أهلا وسهلا كعضو جديد بالمنتدى ........بالنسبة لسؤالك الذي يحمل اسلوب الاستهزاء والسخرية متل مو شايف مع انو ما صرلك كم ساعة مسجل بالمنتدى وبلشت تنتقض بالاعضاء مع انك ما بتعرفهم .......... انا مو شايف انو ابن الكتاب عم ينصح ولا عم بنظر على حدا وفي حال كنت شايف هاد من ردودوا فلا تعتبر ردودوا للأعضاء هي نصائح وانما هي عم تعكس وجهة نظروا لا أكثر .....ولازم انت تكون لاحظت من ردودوا انوا الاخ ابن الكتاب شخص مثقف وواعي كتير وهاد الحكي طبعا بدون اي مجاملة وكل الاعضاء بتشهدلوا بهالشي وبتحترموا................
فيا أخي العزيز .....بكفي انو هالشخص يمتلك فكر سليم وثقافة جيدة وعم بفكر صح.......

طبعا انا رح اترك لابن الكتاب انو يكمل باقي الاجابة ........وبعتذر منو انو جاوبت عنو ..وبعتذر منك أخي اذا كان حسيت انو ردي غير لبق........

سلمت يداك أخي ابو اسامة

سبق القول في موضوع آخر
إن التشبه بالكرام فلاح...........
والظاهر أنك تشبهت بقوم و "نعم" التشبه MR.JOKER

أحـب الصالحيـن ولسـت منهـم
لعلـي أن أنـال بـهـم شفـاعـة
وأكـره مـن تجارتـه المعاصـي
ولـو كنـا سـواء فـي البضاعـة

ان اريد الا الاصلاح ما استطعت ..وما توفيقي الا بالله ..!!

كان امير المؤمنين عمر بن الخطاب رضي الله عنه يطلب إلى الناس أن ينصحوه ويقول: مرحبًا بالناصح أبد الدهر، مرحبًا بالناصح غدوًا وعشيًا
ابن الخطاب أنموذج في قبول النصيحة:
وكان عمر رضي الله عنه يقول على المنبر: "رحم الله مَن أهدى إليَّ عيوبي" وكان يقول لحذيفة بن اليمان الخبير بالمنافقين، والذي اختص بسرِّ المنافقين، وعرفه الرسول صلى الله عليه وسلم بهم، كان عمر يقول له: يا حذيفة! بالله عليك, أتجدني منهم؟ فيقول له حذيفة: لا يا عمر، ولا أُزكي أحدًا بعدك أي لا يريد أن يفتح هذا الباب حتى لا يكشف الأسرار.
عمر بن الخطاب ... يريد أن يطمئنَّ على نفسه، أهو من المنافقين أم من غير المنافقين؟!
وقال له رجل مرة: اتق الله يا ابن الخطاب. فضاق بعض الحاضرين بهذا، فقال عمر: دعوه، والله لا خير فيكم إذا لم تقولوها، ولا خير فينا إذا لم نسمعه.

قال صلى الله عليه وسلم: "الدين النصيحة"
إذا ما بدي انصح اخواني مين انصح!!!!!!
واذا ما بدك تقبل نصيحة انت حر ...إن علي الا البلاغ
وكما قال اخي ابو اسامة غالبية مواضيع ليست نصائح وانما توعية وزيادة ثقافة
اذا كان همك تكتب رد وما عرفت شو تكتب فأنت معذور لأنك من صنف الأميين

وإذا كنت مدرك لما تقول فأنت احدى أمرين
اولاهما : كل إناء بما فيه ينضح
ثانيهما: انك لم تحسن صياغة ردك فردي عليك
أنا قدمت النصيحة وأديت واجبي ..وأنت شو قدمت؟؟ انت قدمت "صد الناصحين عن نصحهم""
شو سويت "الله يعلم السر وأخفى"


يكفيني فخرا
ان اجد من سبقني بالرد عليك "اخي ابو اسامة"
فهذا دليل على تقبل الأعضاء لي
والحمدلله رب العالمين

السلام عليكم ورحمة الله وبركاته
اولا ابو اسامه صحيح انا عضو جديد بعدني بس.............انا ما رديت حتى قراة التعليقات والموضوعات .....لانو انا مابرد هيك عن عبث,,,,,,هاي اول شي
وثاني شي كلمة مثقف لازم ما اتقولها لاي واحد لانو الانسان مهما درس واثقف بضل
العلم .....بحر مالو حدود
اخي العزيز ابن الكتاب:
يمكن اكون انا امي او من الاميين بس ما بكون من كثريين الكلام وقليلين العمل
اوبالاحرى ........نصائح ,,,,,وزياده وتوعيه ,,,بالمنتدى شباب بنصحو 50 شيخ على علمك
وانا اتحداك اذا بتغلبهم

يخاطبني السفيه بكل قبح ** فأكره أكــون له مجيبا
يزيد سفاهة فأزيد حلـما ** كعود زاده الإحراق طيبا
الرد على بيت شعرك يا مثقف المنتدى
صحيح انا امي كما اتقول بس مو عيب
..........................على علمك وبدي ازيد ثقافتك اشوي مع اني امي على قولك
قال أبومنصور الأزهري:
(أراد الشافعي بـ: " الأمِّيّ " ها هنا: الذي لا يحسن قراءة القرآن. و " الأمِّي " في كلام العرب" الذي لا يكتب ولا يقرأ المكتوب .
وانا بعرف اقرا واكتب وبعرف اقرا القران....
فنستنتج انو كلامك كلو غلط بوصفي امي عرفت يا مثقفنا ....
شفت يا مثقف الامي كيف رد عليك
وانا كنت بدي اختبرك بس شايف انك رسبت بالاختبار كنت بدي اعرف ...
ردت فعلك على كتابتي بس انت اتسرعت انت وابو اسمه
بطلب طلب منك انك تقرا سؤال بوضوح انت وابو اسامه وتعرفو شو مقصدي من السؤال؟؟

والله يا صديقي اشعرتني برغبة في البكاء على ماضينا الجميل وحاضرنا التعيس

لا حول ولا قوة الا بالله

اخ جوكر . ...........عم تقول لابن الكتاب كنت بدي اختبرك بالسؤال .مع احترامي الشديد لالك بانو صفة عم تقعد وتختبروا ولحتى قاعد وتقول اقرؤوا السؤال بوضوح .اي وضوح كان بسؤالك وانت بالظاهر بعد ما شفت الردود فصرت بدك تبرر بأن السؤال كان الو معنى ثاني وكان الي هدف ثاني شو كاين عم تكتب بالرموز ولا الاخ فيلسوف وما بينفهم كلاموا .....
برجع وبقول ما في داعي لهذا التبرير الذي ليس له معنى..........
وبالظاهر انك ما عرفت مقصدوا بكلمة الأمي هاد اذا معتبر حالك دَرك وفطن.............
يا حبيب ردك كان غير لبق وغير لائق بالمرتين يلي رديت فيهن.............

MR.JOKER كتب:
يمكن اكون انا امي او من الاميين بس ما بكون من كثريين الكلام وقليلين العمل
اوبالاحرى ........نصائح ,,,,,وزياده وتوعيه ,,,بالمنتدى شباب بنصحو 50 شيخ على علمك
وانا اتحداك اذا بتغلبهم

يخاطبني السفيه بكل قبح ** فأكره أكــون له مجيبا
يزيد سفاهة فأزيد حلـما ** كعود زاده الإحراق طيبا
الرد على بيت شعرك يا مثقف المنتدى
صحيح انا امي كما اتقول بس مو عيب
..........................على علمك وبدي ازيد ثقافتك اشوي مع اني امي على قولك
قال أبومنصور الأزهري:
(أراد الشافعي بـ: " الأمِّيّ " ها هنا: الذي لا يحسن قراءة القرآن. و " الأمِّي " في كلام العرب" الذي لا يكتب ولا يقرأ المكتوب .
وانا بعرف اقرا واكتب وبعرف اقرا القران....
فنستنتج انو كلامك كلو غلط بوصفي امي عرفت يا مثقفنا ....
شفت يا مثقف الامي كيف رد عليك
وانا كنت بدي اختبرك بس شايف انك رسبت بالاختبار كنت بدي اعرف ...
ردت فعلك على كتابتي بس انت اتسرعت انت وابو اسمه
بطلب طلب منك انك تقرا سؤال بوضوح انت وابو اسامه وتعرفو شو مقصدي من السؤال؟؟

طول بالك ابو اسامة
انا جاوبت على السؤال الي سأله؟
بس هو ما قدر يأخذ ممسك على ردي الا كلمة أمي الي كان بدو يعمل حالو فيها ابو حيان النحوي او سيبويه الزمان
والأخ نسي أن اللغة العربية لغة متطورة و الكلمة لها معاني كثيرة حسب سياق الكلام وما بدي أتعب حالي بسرد الدليل لأن لو بعرف اللغة كان عرف الدليل أو على الأقل لو بركز بقراءة القرآن كان عرف هالشي تلقائيا

لا ... الأدهى والأمر انه برد على بيت الشعر
يا ليتك ما رديت لانك أثبتت أنك مو فهمان شي من الرد بصراحة
انت سألتني شو قدمت و جواب كان بيت الشعر رح اتعب حالي واشرح الله يعين
المقصود من بيت الشعر أني يمكن ما قدمت شي بس قدمت محبة الصالحين........ والمرء مع من احب
وبحاول أقتدي فيهم وأنقل أقوالهم
وانت رديت بأبيات شعر الشافعي عن السفه
صحيح الشافعي قالها بس ما قالها لحدا ما بدو يناقشو
أما انت كنت بدك تكحلها عميتها............ لأنك بالمختصر رديت ولو أنا سفيه رح تكون انت أسفه لأنك رديت

وبتقول بالمنتدى شباب بنصحوا 50 شيخ
والله خبر بفرحني وبتشرف أنهل من علمهم
بس ع فكرة ما بدنا حدا ينصح الشيوخ بدنا حدا ينصح مع الشيوخ
والكثرة مو عبرة..... العبرة بالعلم والعلم أكيد بيقتضي الأدب
وانا ما بكتب لأغالب أنا بكتب لأفيد وأستفيد

وبتوقع أن مواضيعي كلها كانت ذات فائدة
ولو أعرف أن في موضوع ما رح تستفيد منه أحد ما كتبتو


بس تعرف .........
مو عيب الانسان يخطأ
الانسان خلق عجول

بس العيب أنه يعاند ويصر على خطأه


ولا تنسى اذا كنت تحكي من ناحية علمية ....... فالعلم رحم بيننا


مع خالص تحياتي للمنتدى

لو ممكن تتقبلوا مروري
ممكن بلا أهانات
بس والله ابن الكتاب معه كل الحق

شكرا زهرة البنفسج

ان شالله منكون بعيدين عن الاهانات
لأن العلم رحم بيننا