قنوات عربية

السلام عليكم ورحمة الله وبركاته
اول شي انا عضوة جديدة بينكم وهي اول مشاركة الي بتمنى انو تقبلوني بينكم
‏.....
كلامي سيكون جريء نوعا ما
منذ فترة صغيرة التزمت الحياد في الحكم على الأمور
فأول ما بدأت اراقب هي القنوات الاعلامية العربية وتبين لي ان اكثر من ٩٠% من القنوات العربية لا تستحق ان تشاهد حتى من قبل الأغنام وخاصة تلك القنوات الحكومية التي يكون اسمها باسم الدول هذه القنوات عليها ان تغلق من باب الذوق لا غير
وأغرب شي قنوات الSMS هي القنوات يلي اذا تفرجت عليها بتحس انو انت سخيف بعد مرور ٣ دقائق
وبعض القنوات بتتفنن بعرض الطبخ والميك أب وما الك الا هيفا وغيرها بس شوفها بحس بالغثيان
فسؤالي للجميع
شو اكثر القنوات يلي بتعجبك ؟وليش؟
وشو هي اسوأ القنوات وليش؟
وشو رأيك بالقنوات الوثائقية؟

و عليكم السلام و رحمة الله و بركاته و مغفرته و رضوانه .........

أهلين أختي ..... لأول مرة بالحياة بقول لوحدة غريبة أختي .. ببساطة لأنو مو أي وحدة بقبلها تكون أختي ..... مثلاً " جماعة الميرسي و الثانكس " أنا بحسهون أعداء العروبة قبل ما يكونو أعداء الإسلام ...... لهيك ما بنقلك غير إنو نور المنتدى بحضورك ............

طريقة عرض الموضوع كثير حلوة ......... " حتى من قبل الأغنام " ... " إنو أنت سخيف بعد مرور 3 دقائق " ....... " هيفا و غيرها " ......

أول شي أنا القناة اللي بموت عليها هي المستقلة و بموت بالأخص على الدكتور محمد الهاشمي مقدم برامجها ..... و كمان قناة روسيا اليوم ..... و ناشونال جيوغرافك و الجزيرة الوثائقية ....... هالأربع قنوات هن حياتي على التلفزيون ... أما ليش بتعجبني ..... فالجواب واضح : قنوات صادقة و شفافة و متابعتها مو مضيعة للوقت .....

أما أسوأ القنوات ........ فأنا برأيي " روتانا كليب " ..... أحياناً بحب اطلع على ثقافة اللي بتابعو روتانا .... بحط عليها ..... بلاقي هيفا بوجهي بتقول " بدي عيش " فأنا بطلع عليها هيك ... بقول يخرب بيتك كل هيك و مو عايشة ..... أمّا ليش هي أسوأ قناة فالجواب كمان واضح ...... هي أكثر قناة عم تأثر سلباً على ثقافة المجتمع و وعيو و نخوتو و حماسو و عزتو و ألف شغلة كمان ...

أما القنوات الوثائقية فهي من أفضل القنوات ...... بس الإدمان عليها كمان عادة سلبية ..... لأنو بالنهاية البني آدم مو شغلتو يثقف و بس .... في عندو ألف شغلة .....

موضوع كثير مميز ........ و نورتي المنتدى أختي .......

بسم الله الرحمن الرحيم
اول شي نرحب بكي في المنتدى ونتمنى ان تكون مواضيعكي كلها كهذا الموضوع باقات ورود جميلة مزخرفة بكلام من ذهب واشكركي كثيرا على هذا الموضوع الجميل
اما بالنسبة للقنوات التي تعجبني فاكثر شي هي القنوات الدينية لانها بتوعي الناس وبتذكرهم بانفسهم ولانها تعرض لنا المشايخ الكرام اعزهم الله واكثر القنوات اللي بحبها هي قناة صفا وقناة مكة واقرا والحكمة وقناة وصال بس اكيد مو كل القنوات زابطة لانو في قنوات دينية كمان فيها تخبيص
وايضا قناة المستقلة قناة جميلة جدا
اكثر القنوات اللي بكرهها هي قنوات المجون والفسق واللي هي قنوات الاغاني مثل روتانا والنجوم والى اخره لانها ما شاء الله كثيرة ويمكن 50 شخص يطلعلهم قناة لو احصينا عددها
اكره قنوات الاخبار لانو فيها انحياز لبعض الدول القذرة ومنها الجزيرة والعربية
والقنوات الوثائقية نوعا ما كويسة ومفيدة لانو تعرض معلومات الواحد بحياتو مو سمعان فيها
مرة ثانية بنرحب بيكي بالمنتدى ونتمنى نكون عند حسن ظنك وان شاء الله تقضي معنا احلا الاوقات
والسلام لاهله

بسم الله الرحمن الرحيم
السلام عليكم:اول شي برحب فيكي في منتدانا (منتدى ثانوية داعل الرسمية)
ثاني شي بالنسبة للقنوات التي اعجبتني هي ناشونال جيرغرفك ابو ظبي
لانها صادقة ومشاهدتها ممتعة وكثير استفدت من المعلومات التي تعرضها
بالنسبةلي اسوا قناة هي ميلودي بانوعها وروتانا بانوعها لانها تعرض شى لايليق بمجتمعنا الاسلامي ........................
القنوات الوثائقية هي قنوات بمنته الروعة لانها تعرض برامج تعليمية ولكل الاعمار
شكرا يا اختي على الموضوع وارحب بك مرة ثانية

السلام عليكم جميعاً
من المعروف ان افضل القنوات هي التي يقدم الفائدة والمتعة لمشاهديها متل قنوات التثقيف الديني والعقائدي وقنوات الرياضة للترفيه.
لكن بعض الاحيان يجب علينا ان نعرف واقع المجتمع والعالم لذلك نشاهد القنوات الاخبارية والانكليزية حصراً لانها اكثر مصداقية وحيادية.
ولمعرفة اتجاهات بعض الدول السياسية والاقتصادية نضطر لمشاهدة القنوات الحكومية لهذه الدول مثل ...............(انتو ادرى)
وبالنسبة الي افضل شي مجموعة قنوات الجزيرة وMBC

الســلأم عليكم

أهلين بيك] أخت عزيزة علينا وأنشالله تكوني تعلمتي من تجاربك بنفسه بصراحه أنا نادر جدأًٌُ ما اتابع التلفزيون بس أكون مالل ولا عندي وقت لهيك أشياء

افضل قناة هي الرسالة لأنها تعرض البرامج الدينية بطريقة ممتعة وخصوصا برامج المبدع د.طارق السويدان
اما القنوات السيئة فهي كثيرة ومنها MBC3
لانها تعرض مشاهد لا تتناسب مع عقل الطفل وتفكيره

موضوع حساس صراحة
امّا الجواب على الأسئلة
فأفضل القنوات هي الوثائقية ثم السياسية والدينة
والأسوأ هي LBc ثم قوات الأفلام
برأيي أفضل قناة هي انتر ناشونال ليش؟؟؟
لأنها مفيدة وممتعة
لكن في نقطة مهمة وهي مشاهدة الأطفال ل لقطات فضيعة
وذلك لعدم انتباه المشاهد الأكبر سنا {بقول ياخي صغير شو بفهمو}رجاءً ديرو بالكم