الرجاء البدء بالبحث من الآن على زوجة سورية بعد هذه المقارنة

من طرف ???? الثلاثاء فبراير 24, 2009 5:02 pm

الرجاء البدء بالبحث من الآن على زوجة سورية بعد هذه المقارنة
إذا وقع زوجها عن الدرج:
السورية: ولي على آمتي, سلامتك حبيبــــي إن شاء الله أنا ولا أنت أبن عمي ( ميتة خوف عليه ).
الأردنية: شو مالك دخت؟ الله ما برمي الناس بحجار, خطيتي الله لا يردك ( بتستناه يموت عشان تورث ).
إذا الزوج بدو يسافر:
السورية: انتبه لنفسك أبن عمي, جهزتلك الشنطة, كثر خيرك على الأغراض اللي اشتريتها, بيكفو سنه الله لا يحرمنا من دخلتك علينا أولي على آمتي تروح وترجع بألف سلامة.
الأردنية: أسبوع مبوزمة قبل السفر وكل شوي دموع ومتى بدك ترجع؟؟ ومع مين بدك تطلع هناك آه؟؟ مش تتطلع على البنات!! أحلف أنك مش راح تروح على أماكن فيها بنات!! ما تتأخر بلاش ينقصنا شي وأنت مسافر وكل يوم بتتصل بالتلفون عشان تشوف وينك وتحكيلك أنه الولد سخن وبنتك بدها تموت كل المصايب بتقلك إياها بتلاحقك فيها وين ما تروح ( هوايتها النكد ).
إذا الزوج أتأخر بره في شغل أو مع صديق:
السورية: شو أبن عمي !! غلي قلبي عليك تؤبشني يا حبيبـــي وكثير شغلتلي بالي تؤبرني ما تتأخر عليي كثير مرة ثانية عشان بشتقلك أنا ( يقبرني دلع الشام ) .
الأردنية: شرفت!! وين كاين؟؟ مو أنا كاينة حيوانه بالدار طول نهاري أكنس وأمسح!! مع مين صحابك الهمل كاين؟؟ شو جبتنا معك؟؟ ولا جاي أيد لقدام وأيد لورا كويس عرفت إلك دار وروحت .
إذا طلبت شي منه:
السورية: أبن عمـــــــي تؤبشني تقبر قلبي ( كله تؤبر ) حبيـــب قلبـــي فيك تجيبنا شي حلو من دياتك الحلوة وعلى زوقك شو بعشق زوقك أنا يا حياتــــي.
الأردنية:أغلط مرة وجيبلك شغله حلوة معك بقلاوة ولا كنافة بدي أحلي تمي اللي مرر من هالعيشة اللي بتقرف ( هي طخها حلال).
إذا جابلها هدية:
السورية: تسلملي أبن عمي حبيـــب قلبـــي يااااااي شو بتجنن عنجد عنجد زوقك بيعقد تؤبشني بتجنن الله لا يحرمني منك يا عمــــــــــــري.
الأردنية: والله غاب وجاب وياما جاب الغراب لمه من وين جايبها وقديش حقها هاي الله يقطع هيك زوق مش لو جبتنا طبخة للدار أحسن ( حسبي الله) .
إذا بدك شي منها:
السورية: من عيوني أبن عمي تؤبرني بتأمر أمر أبن عمي ولو غالي والطلب رخيص دخيلو أنا شو بحبــــو على راسي حبيـــــب قلبـــــــي.
الأردنية: مو حرام نستريح شوي لازم حياتي تظل تعب ونكد هو ما فيش غيرك بالدار؟؟ مش فاضيه ولا أقلك أطلع من الدار حل عني روح شوفلك شغله سويها فقعت مرارتي من شغل البيت أف أف .
لو طلبت منها فنجان قهوة:
السورية: من عيوني أبن عمي أحلى فنجان بن من دياتي يستاهل تمك وبدياتي راح شربك كمان تعبك راحة أبن عمي ما في أغلى منك حبيــــــــــــــــــــب قلبــــــــــــــــــــــــــــــــي ( تخيل فنجان قهوة بس ).
الأردنية: بدك قهوة؟؟ هي إخوانك مرميين في الحوش روح أشرب معهم ولا أقلك روح لعند أمك بتعملك أترك شغلي وأعملك قهوة؟؟ هاد اللي ناقص ياااا رب موتني وخلصني من هالعيشة اللي بتقرف ( كل هاد عشان فنجان قهوة ريتو سم ) .
أذا حكالها ( بدك شي؟؟) وهو طالع:
السورية: تسلملي حبيـــــــب قلبــــــي أبن عمي ما بدي غير سلامتك مكفيني من كل شي مو ناقصني شي تسلملي يا حبيبــــــي بس حبيــــــب قلبــــــــي ما تتأخر كثير بشتاقلك أنا أبن عمي بدك أعملك شي لما ترجع؟؟ ( بتكون غبي لو طلعت وتركتها)
الأردنية: لأأأأأ ( مع تبويزة طولها شبرين) ....بديش أشي وين بدك تروح؟؟ ومع مين بدك تقعد؟؟ إن شاء الله بتطول وبتخليني لحالي زي الهبلة ولا أحكيلك جيب معك حفاظات للولد وأنت جاي.