شو رايك بالحب بين ......و.....

السلام عليكم
على طول بيخطر عبالي سؤال وعم بجدلوا اكثر من جواب بس انا حابة اعرف اجوبتكوا واكثر نسبة عندكوا وليش يتلجؤا لهل طريقة
بتمنى الا جابة من الكل
(سؤالي )
ليش الغالبية من الشباب والصبايا بيلجؤا لعلاقات الحب بين بعضهم البعض يعني شو بيستفيدو يعني هالعلاقة بتمنحهم شي جائزة ولا بطول بعمرهم وبتمنى انو تكون اجاباتكم صريحة لاني بتوقع الغالبية رح يقولو هي امور تافهة او انا اعوذ بالله ما لي بهالسوالف وخاصة يلي اسمائهم معروفة بس بين بعضكم الكل عايش هالتجربة يمكن يكون في حالات شواذ بس بينعدوا على الاصابع
(سؤالي 2 )
هو انت كم مرة عملت علاقة مع بنت واية وحدة كنت صادق معها وحسيت بشي غريب يعني الاولى ولا الثانية ولا الرابعة ولا ................................ ولا المليون وانتي اختي السؤال كمان بشملك ويا ريت تجاوبوني بكل صراحة
والسلام عليكم

السؤال الاول:
ليش ما بعرف
السؤال الثاني:
مرة وحدة هي هل الوحدة
وعلى فكرة انا مقاطعها لاسباااااااااااااااااااااااب خاصة
وصارلي اكثر من 5شهوووووووور مقاطعها وعم فكر اني انهي هل العلاقة
وعندي اكثر من وحدة بس صداقة
اشكرك اختي على طرح الاسئلة

السؤال الاول ما عندي جواب
يعني هاد شي موجود بالواقع مو بأيد حدا
السؤال الثاني
أنا والله ولا مرة وما جربت أبداً
مشكورة عالموضوع

أنا من النوع يلي بيعتبرها أمور تافهة لأنو أغلبية وقتي مشغول بالدراسة وما عندي وقت لفكر بالطرف الثاني هي من ناحية أما من الناحية الثانية القلب ما بيوسع إلا شغلة وحدة وأنت اختارها أما بالنسبة للعلاقات انعرضت علي كتير بس أنا كنت أخذها من ناحية المسخرة

سؤالك مليح
لويش بيعملوا علاقات لأنهم خوثان (مجانين)
يعني بيستفيدو شوية كذب ومجاملات فارغة على قولة جدتي
يعني علاك بعلاك
بيحكوا عالتلفون خايفين وهو بكون يقوللها بحبك يا روحي وقاعد يرجف لا يطلعلو اخوها وهي المسكينة بتكون عيونها عم تتقلع :::::::::::وحالتهم حالة
:::::
اما سؤالك الشخصي تبع العلاقة
أني مش رومنسي وما بحبش غير امي
شكراً على سؤالك
مع تحيات مرتاح

ممكن سؤال انت كم عمرك انت متعلق بولدتك كثير وبشكل غير طبيعي الله يخليلك ياها ويديمها فوق راسك وبتشكرك على مرورك الطيف
وبتشكر الجميع بس كنت حابة انو يدور نقاش بهل الموضوع حاكم هل العلاقات مليانة

أني عمري 22 الله لا يخسر
احسن اشي بالعالم أمي
والله يسلمك ويخليلك امك


بدك نقاش بالموضوع ناقشيني
اسألي وأنا أجيب
بانتظار اسئلتك
سلام

ماشي يعني انت ولا مريت ولا بتجربة عاطفية لحد الآن يعني ما مريت بسن المراهقة

شكرا لك على الموضوع
السؤال الأول:
ان الله جعلها غريزة حب الذكر للأنثى والعكس من اجل استمرار الجنس البشري ولكنه هذب هذه العلاقة بالزواج الشرعي
و لكن أين المفر من الشيطان فهو يجري بالانسان مجرى الدم فأودى بنا إلى هذه العلاقة غير الشرعية
وأما شو بربحو وحكي فاضي
فهي مجرد قلب فاضي وبدو يملأ هالفراغ
ومتل ما قال شكسبير الحب أعمى
السؤال الثاني:
نعم كانت هناك علاقة عندما كان قلبي فارغا
وأكيد الاخلاص وهالأمور هاي بترجع لمبادئ الشخص نفسه فيمكن يضحك عليها ويمكن يكون مخلص
وانا كنت مخلص ولله الحمدوالقصة طويلة المهم انتهت كأن شيئا لم يحدث

والأهم بعد الانتهاء رجع الفراغ للقلب وحب يتعلق ببنت ثانية
ولكن القلب لا يتسع الا لشئ واحد
فكل واحد يختار الله أم البنت؟؟؟؟
وانا اخترت الله ورسوله صلى الله عليه وسلم
فبذلك ملأت الفراغ واشتغلت بحب ربي عز وجل
"من ترك شيئا لله عوضه خيراَ منه"


والسلام عليكم

نبض القلوب كتب:ماشي يعني انت ولا مريت ولا بتجربة عاطفية لحد الآن يعني ما مريت بسن المراهقة

لأ
ليش يعني سن المراهقة بالضرورة لازمو تجارب عاطفية ؟
مو شايفيتني مرتاح ومريح
والعلاقات يلي عم تحكي عنها فاشلة فشل ذريع لأنها بمرحلة الثانوية بتكون مشاعر طفولية
يعني بتحبي واحد مثل ما بتحبي نوع بسكويت أو نوع عصير أو أي شي
وبالجامعة بتكون العلاقات أغلبها خداع ومكر وكدب ومجاملات فارغة وحكي فاضي
بعد الجامعة ما في وقت للحب لأنو بكون براس الواحد ألف شغلة
أصلاً هي الشباب والبنات بيلجأوا للعلاقات بس مشان يشوفو مدى تقبل الجنس الآخر الهم
وأنا جاهز للاجابة عن أي اسئلة أخرى
مشكورة
مع تحيات مرتاح

بس بدي اسألك مين حلفك اذا كانت عندك علاقة او لا حتى تقولي
شو يعني ماني فهمانة عليك شو بتقصد

عفواً بس الحكي الي ؟؟؟؟؟؟
ما عم افهم شي ؟
اذا كان الحكي الي أنا جاوبت على سؤالك بس
مع تحيات مرتاح

عفوا

ما كنت رابط الحكي مع بعض

اعذرني على سوء الفهم

مع تحباتي

والله يا اخوان

الحب اعمى
احنا منفكر الحب حكي على التلفون واني بحكي مع بنت

وهي بتحكي معي بس لتسلاية

زالبنت اذا اجاها اول عاريس بسرعة بتوافق ولا كأنو في واحد بتحكي معو

واحنا شو عرفنا انو بتحكي بس معك يمكن بتحكي مع مية واحد غيريك

مشان تقول لرفيقاتها شو الشباب حوالي ما بينعدو

وبتكون هي ما عليها الطعمة

وانا بعتقادي انو الحب يكون بس قبل الزاج بسنة على الاكثر

لانو اذا حبيت وحدة تروح تتزوجها

مو تيجيلي تحب وانت بعدك تبكي على العشرة والخمسة

وما تفهم شي غير والله شو يا شباب البنات كلهن بيحكن معي

مشان يقول انو هو محبوب يعني على اساس

وكمان في حالات مراهقة وبتبلش بالمرحلة الاعدادية بكون الواحد ما فقس من البيضة وبصير يعشق ويتمعشق

مشكورة على الموضوع