اسئلة فى الحب............

مشكور ع الموضوع

1ـ ما رأيك بالحب عن طريق الأنترنت؟؟
الحب عن طريق الأنترنت بكون حلو إذا الشخصين صادقين.

2ـوهل يتحقق أحيانا أم لا ؟؟
أي مو دائما (أحيانا)

3ـما الأصعب بالنسبة لك"أن تحب شخص وتتعلق به وعرفت أنه لايحبك يحب شخص آخر_او_ أن شخص يحبك وأنت لاتحبه وتحب شخص آخر ؟
الثنتين صعبات بس الأصعب "أن تحب شخص وتتعلق به وعرفت أنه لايحبك يحب شخص آخر"

4_ماهي أجمل الأشياء من صفات ومعاملات بين الحبيبين؟؟
أنهم يكونو مخلصين لبعض.

5_ماهو الحب بالنسبة لك ومامعناه وماذا تفعل عندما تحب؟؟
الحب عالم حلو ,,معناه الوفاء و أخلاص الحبيبين لبعض ,,

6ـهل ستضحي من أجل من تحب ؟؟
إذا كان بستاهل ,أي"ليش لأ"

منورة بمرورك.وردك الرائع

ابو اسامة المحب

ما رأيك فى الحب عن طريق الأنترنت ؟؟؟
كل شي بصير

وهل أحيانا يتحقق أم لا ؟؟؟
ممكن

ما الأصعب بالنسبه لك ” أن تحب شخص وتتعلق به وعرفت انه لا يحبك ويحب شخص اخر – ولا – ان شخص يحبك وانت لا تحبه وتحب شخص اخر ” …. ؟

أكيد الأول
لأن الثاني لن أشعر بشعوره لأني غارق في بحر الحب ولا أدري إلا بمحبوبي ولا يهمني سواه

ما هي أجمل الأشياء فى الحب من صفات ومعاملات بين الحبيبين ؟؟
اجمل الاشياء توافق الخواطر
‫ما هو الحب بالنسبة لك وما معناه وماذا تفعل عندما تحب ؟؟؟
الحب هو العلة الشافية من كل مرض
هو الذي يجعل الحزن فرح والتراب تبرا والنار جنة و الكدر صفاء

عندما احب اهب لنفسي لمن احببت
هل ستضحي من أجل شخص تحبه ؟؟
اذا كنت احبه فأكيد اني سأضحي

الله عليك يا ابن الكتاب..........على الاغلب عندك تجربة بالحب ....
ولا ما بتوقع... ... بس منوين بجيب هالردود يا خطير.........


منور بالمرور

مشكور اخي عالموضوع الحلو

ازا كانو م

ـ ما رأيك بالحب عن طريق الأنترنت؟؟
ممكن واحتمالو كبير ازا كانوا من بلد واحدة




وهل أحيانا يتحقق أم لا ؟؟؟

ازا كانوا من بلد واحدة بيتحقق ليش لا


ما الأصعب بالنسبه لك ” أن تحب شخص وتتعلق به وعرفت انه لا يحبك ويحب شخص اخر – ولا – ان شخص يحبك وانت لا تحبه وتحب شخص اخر ” ….

اكيد الاول لانو ازا ما بتحبو انت ما راح تهتم ازا بحبك ولالا


ما هي أجمل الأشياء فى الحب من صفات ومعاملات بين الحبيبين ؟؟

التوافق والاحترام



ما هو الحب بالنسبة لك وما معناه وماذا تفعل عندما تحب ؟؟؟



هو الحياةومن دونو الحياة ما الها معنى


هل ستضحي من أجل شخص تحبه ؟؟
ازا كنت بحبو وهو بحبني فاكيد بضحي وبحياتي كمان اما غير هيك
يعني ازا كنت بحبو وهو لا فما بيستاهل اني تعب حالي منشانو



ملاحظة : لما الشخص بيكتب موضوع اسالة اجباري بدو يجاوب عليها فالافضل انك تجاوب

تقبل مروري

والله يا ابو اسامة الغالي

أذكر بيت شعر يقول فبه الشاعر
إذا أنت لم تعشق ولم تدري ما الهوى
فكن حجرا من يابس الصخر جلمدا


و لا تنسى الحب ليس علاقة بين ذكر و انثى فقط بل هو أعلى و أسمى من ذلك

ماجدة السيد...........مرورك عطر ورائع وجميل .......وان شاء الله رح جاوب عليها (((المشكلة ولا مرة مجربوا لهالحب منشان هيك عم أسالكم..... )))))


ابن الكتاب..........منور مرة تانية ............بس وضح اكتر...........

اخي ابو اسامة
الحب من القلب
والقلب يتعلق

الحب بين الأم و ولدها
وبين الرجل وزوجته
وبين الطالب ومعلمه

لكل منها سببه


أما الأسمى والذي خلق لأجله
الذي يداوي القلوب
والحب الذي يحيي الموت
ويبعث من في القبور
والذي يعطي الحياة معناها

هو حب الله عز وجل

فهذا مقصد الحب
وهو نفس مقصد الشاعر صاحب البيت

إذا أنت لم تعشق ولم تدري ما الهوى
فكن حجرا من يابس الصخر جلمدا


والله أعلم

تحياتي لك

أخي ابن الكتاب............

هلأ حب الله عز وجل ما بدها اتنين يحكوا فيها........وحب الام لابنها والطالب لمعلمه و.......
كمان هدول شغلات ما بنختلف عليها ........انا كان قصدي عن الحب .(العشق) بين الشب والبنت.لا أكثر

والله انا ما جربت يعني بعتبر الحب شي سامي انا ما بقدر اوصلو حالين
بس الحب عن طريق الانترنت فاشل لانو اكيد الكذب حيكون معشش بالنسبة للاثنين و بيزبط بحالات نادرة .
والثانية اصعب بالنسبة الي وخاصة اذا عرفت انو انو الشخص كثير متعلق فيك . و بتخاف من غدر الشخص اللي بتحبو .....
و اجمل شي في الحب انو يكون صادق وكل شخص بيحترم الانسان اللي بيحبو يعني من بعيد لبعيد ما حدى يحاول يسيء للثاني ....
وانا الشخص اللي بحبو مو انيان عادي هو سبب نجاحي بالدنيا و سبب نجاح كل الناس بالأخرة هو النبي صلى الله عليه وسلم ...

نورتي ......................

يا جماعة بتمنى أعرف شو الحب يلي أغلى من حب الله رسوله
بس أكيد القليل يلي عم يشعروا بهل حب
لأنه من صفات المحب أن يتتبع المحبوب في كل شيء وأن يتصف بصفاته
وشو رأيكم نعمل حملة لحب الرسول و نتبع صفاته

وشكرا

انا حاولت بس للأسف ما حدى عم برد...........

زهرة البنفسج ممكن تشرحي كيف بدها تكون الحملة وشو قواعدها؟؟؟؟

هي فكرة حلوةكتير بس لازم تطرحيها بمنتدى مو بموضوع


ورايي بالسؤال الاول انو الشخص يلي بحب عن طريق الانترنت بكون قليل عقل او بالاحرة ما فيو عقل عالخالص لانو ببساطة عالنت ممكن الشب يعمل حالو بنت والبنت تعمل حالها شب يعني ممكن يجي الشب ويحب واحدة ويخلصلها اخر شي يكتشف انها كانت شب متلو


اما بقية الاسئلة بس جربها بجاوب عليها

طيب مدرسة الحب بالمواضيع العامة كمان الصلاة على النبي على طول بتخليكي تشوفي الرسول بالمنام بالنسبة الي حضرت العام برنامج قصة حب كمان لمصطفى حسني
تعلمت كيف حب الرسول بكون و قديش هو بحبنا و مشتاقلنا كمان و شايف كل اعمالنا بقبرو و قد ما حكيت ما بقدر اوصل اللي ببالي منشان هيك انا كتير مهتمة انو تحضروا مدرسة الحب و هي الحب بين الشب و البنت سوالف فاضية ما الها أي معنى الحب الحقيقي بنظري ممكن يبلش بعد البكالورياو انا بسمي الحب الواعي لان الواحد و قتها بيعرف حالو شو بدو و بكون وعي شوي ......

ولله يا أنسه اكليل بوافقك الرأي

ما شاء الله عيكن .....................نحنا بنحب الرسول أكتر من انفسنا واهلينا...........
.....فأنتوا قلبتوا محور الموضوع بالكامل ..........كان هدفنا من الموضوع نسمع كل واحد شو وجهة نظروا بهالخصوص..............طبعا هاد ما بيعني اني كون مع أو ضد..........
وانا بحترم آرائكم وردودكم ........

عكل حال منورين...........

والله يا آنسات المنتدى

مبين أنكن بتحبن الرسول صلى الله عليه وسلم
ولو ما بتحبنوا ما كتبتوا هالشي

بس عندي سؤال للجميع؟؟؟

كم مرة قرأتي سيرة الرسول؟؟؟ بصراحة
انا بعرف ان اكثر من 90% من شعبنا ما قرأ السيرة كاملة

والكل بعرف ان الرسول صلى الله عليه وسلم كان خلقه القرآن
فمين منا خلقه القرآن

مو العبرة اني اتابع برنامج يتحدث عن الرسول صلى الله عليه وسلم
ويمكن الي بقدم البرنامج ابعد الناس عن تعاليم الرسول
العبرة اني اتبع الرسول بكل شي أمر فيه اذا كان صحيح
وابحث عن كل معلومة عن الرسول لنشوف اذا كانت صحيحة او لا
لأن في أمور مكذوبة عن الرسول وكثير مقدمين للبرامج بتساهلوا فيها
وهي الأمور بتودينا بـ600 داهية

عشان هيك الي بتابع البرامج يتأكد من صحة الاحاديث من الصحيحين

ولا تفهموني غلط اني بذم بمقدم البرنامج الي بتحكوا عنو

انا ما بعرف البرنامج ولا بعرف المقدم ولا القناة الا بالاسم

لأن ما عندي تلفزيون أصلا
بعدني عايش بعصر الكتاب



وتحياتي للجميع

...............................................

عذرامنك اخي ابو اسامةبتسمحلي احكي :
بس بدي قول لابن الكتاب انا كنت حب الرسول طبعا بس ما كنت حس بهل الحب الحقيقي يعني ما كنت حس بشوق لشوفة النبي و حتى ابكي لأني عرفت انو موت النبي هي اعظم مصيبة للأمة كلها ولمن حضرت البرنامج حسيت اني بحب النبي من كل قلبي وبعدت شوي عن هل الحب بس انا اكتشفت انو السعادة حتكون مع النبي وانا قرأت السيرة النبوية 3 مرات بس ما اكتفيت و السنة لو ما عندي بكالوريا كنت قرأتها كمان لان كل مرة بكتشف شي جديد وبفهم شي جديد هاي بالنسبة للبرنامج العام الماضي اما السنة فموضوع البرنامج عن تخلق الصحابة بأخلاق الله [الرحمة ,الود, الكرم,....]
تعلمت شي جديد كنت مفكرة انو بس للأنبياء و اللي هي المناجاة كنت حس حالي وحيدة دائما وقول اني تعبان ما في حدى اشكيلو ما في حدى احكيلو بس هل الشي من فعل الشيطان اللي بنسينا انو الله موجود معنا بكل مكان و النبي بيطلع على اعمالنا
فصرت بدي اعمل شي مخلصة فيو لرب العالمين و يبسط النبي حتى يعرف انو الأمة يلي تركها وراه لسى فيها خير طولت عليكم بس هل الموضوع كثير بهمني ..........
وكثير بحب احكي فيو و مقدمين البرامج بشر مو معصومين عن الخطأ طيب اعطيني حل نحنا كيف بدنا نتعلم ما دام كل الناس بتغلط........

يا حرام ..............انجلط صاحب الموضوع

اكليل الورد ......... كنتي رح تخلي دموعي تنزل

قال الرسول صلى الله عليه وسلم: "المرء مع من احب"
الله يجمعنا يوقم القيامة تحت راية الاسلام
وفي الجنة بجوار خير الأنام النبي المصطفى صلى الله عليه وسلم

انا قصدي بالموضوع:
أن في ناس من شدة حبها للنبي بتعمل أشياء لإرضاؤوا بس هاي الشغلات ما بتنعمل الا لله عز وجل
وبعدين منكون دخلنا بالشرك لأننا اعطينا النبي اعمال لله
وما بدي ادوخك بالحكي

مافي حدا معصوم من الخطأ بس قصدي أن نرجع للقرآن والسنة النبوية الشريفة بكل عمل نقوم فيه

ولأن حبيبنا المصطفى صلى الله عليه وسلم قال:"من احدث في أمرنا هذا ما ليس منه فهو رد"
و لأن رب العالمين قال" اليوم أكملت لكم "
يعني مو ناقصنا شي
وما في داعي للتفنن بالعبادات
لأن افضل شي اتباع السنة
والي بحب واحد بتبع أعمالو خطوة خطوة
عشان هيك خلينا نشوف كيف كان الرسول يتعبد وشو كان يوصي ونطبق
مو هيك أحسن؟؟؟؟

وما بقلك لا تابعي ولا لا تابعي البرنامج لأن ما بعرف شي عنو

الله يوفقك
ويجمعك مع حبيبك محمد صلى الله عليه وسلم في الجنة

وبالنسبة لجود
أكيد صاحب الموضوع رح يطير من الفرحة
لأن صار في بموضوعو حكي على مستوى عالي -ربما- عن حب الرسول صلى الله عليه وسلم

ودمتم بود

جود ......

يلا مو مشكلة ابن الكتاب حسابك عندي........يا اخي ارحمنا من هالردود الجدية كتير كتير........بس كمان الله يجزيك الخير على ردودك الرائعة

طبعا اذا الموضوع رح ينقلب لحب الرسول عليه الصلاة والسلام فأنا اكيد رح كون مبسوط

اكليل الورد...منورة ......ان شاء الله تكوني ونكون من اهل الجنة.أمين

بعدين ماشاء الله خرج تروحوا لعند فيصل قاسم على قد ما بتحبوا تتجادلوا......

منورين مرة ثانية................