رد: جاوب بنعم اولا وبدون فلسفه

من طرف قطر الندى السبت مايو 02, 2009 11:08 am

أنا بكره كل شي اسمو تاريخ لأني بقرف هالمادة
التكلم عن الماضي نقصان بالعقل
كلام مزبوط وأنا بأيد بس والله حلو الواحد يعرف شوعملوا أجدادوا كامعلومات عامة
يعني مو بالمنهاج وشي اجباري
شو حابب تعمل بالصيف؟؟؟

من طرف قيصر روما السبت مايو 02, 2009 12:08 pm

حابب أصيــــــــــــــــف
نفس السؤال

من طرف **Avril Lavigne** السبت مايو 02, 2009 12:38 pm

اضل قاعدة عالنت للصبح
كيف كان صباحك؟

من طرف قيصر روما السبت مايو 02, 2009 2:18 pm

حلوووووووووووو وعســــــــــــــــــــــــــــــــــل

نفس السؤال

من طرف قطر الندى السبت مايو 02, 2009 2:45 pm

والله كان حافل بالعمل والحركة والنشاط وغير شكل
نفس السؤال

من طرف **Dr.Mawaddah** السبت مايو 02, 2009 4:53 pm

ههههههههه والله انا فايقة عال4 المسا يعتبر صباح؟؟؟
طيب صباح فرنسي والله
رح تحضر الكلاسيكو؟

من طرف **رجائي العاسمي** السبت مايو 02, 2009 5:13 pm

طبعاً......
شو رح تساوي إذا خسرت برشلونة؟؟؟

من طرف **Dr.Mawaddah** السبت مايو 02, 2009 5:15 pm

ههههههههه والله هيك بكسب عشا و500 ليرة و بس بدي اخسر شي 100 وحدة رسائل مجاكرة هههههههههه
نفس السؤال

من طرف قيصر روما السبت مايو 02, 2009 10:36 pm

شو يا ترى بعتي رسائل مجاكرة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من طرف **Avril Lavigne** السبت مايو 02, 2009 10:39 pm

لمين يا حسرتي
الا اذا بدنا بعت لحالنا هاد شي تاني
وانت؟

من طرف **رامي العاسمي** السبت مايو 02, 2009 10:45 pm

لا ما بعثت لأنو أول شي موبايلي بالعادة مقفل وثاني شي خوفاً على مشاعر الشباب الطيبة بس بالمقهى جاكرتهم أي وحتى واحد من الشباب راح يبكي

على سيرة العشا شو تعشيت ؟

من طرف **Avril Lavigne** السبت مايو 02, 2009 10:54 pm

وكمان بدنا نتعشى يا حبيبي نا قصنا
صحي رامي شو صار بالمدريدين بالمقهى؟؟؟؟؟
ونفس السؤال

من طرف قيصر روما السبت مايو 02, 2009 10:59 pm

والله بدي أجوع حالي يومين لأنو بكرا العشا على واحد مدريدي
نفس السؤال

من طرف **Avril Lavigne** السبت مايو 02, 2009 11:02 pm

اي يا عمي ناس بدها تتعشى وناس بدها تعشي
اي
شو بتحب تشرب؟؟؟؟

من طرف **رامي العاسمي** السبت مايو 02, 2009 11:06 pm

عينك ما تشوفي شو صار فيهم
أول شي انبسطو المساكين بس بعدين بعد تسجيل الهدف الثالث وبلشت التعليقات كانو المدريديين كان على رؤوسهم الطير بالمناسبة كانو جايبين معهم مضخم صوت مشان أغاني النصر المهم بعد تسجيل الخامس والضحك والتعليقات من مشجعي برشلونة بدأ المدريديون بالانسحاب من المقهى تحت هتافات مشجعي برشلونة ما تروحوا تروحو
وآخر شي طلع شباب المنتدى من المدريديين وجوههم شاحبة
***********
تعشيت نص عشا بالمقهى فروج مع بداية القول الثاني
وكملت بالبيت حواضر
*******
شو بتحب توكل من الجاجة ؟

من طرف **Avril Lavigne** السبت مايو 02, 2009 11:13 pm

ههههههههههههههههههه
والله ما في شي محدد هههههههه
نفس السؤال

من طرف **رامي العاسمي** السبت مايو 02, 2009 11:28 pm

بحب من الجاجة السفينة بس
***************
على سيرة السفينة جاي على بالك تركب سفينة ؟

من طرف **Dr.Mawaddah** السبت مايو 02, 2009 11:43 pm

اي والله وكثير كمان
نفس السؤال

من طرف **رامي العاسمي** السبت مايو 02, 2009 11:56 pm

بتمنى أركب سفينة وأظل فيها أشهر

ليش بظلوا يقولو مثل اي الغرب وصلوا على القمر ؟أي شو يعني اذا وصلوا على القمر ؟

من طرف **Dr.Mawaddah** الأحد مايو 03, 2009 12:01 am

ههههههههههه يعني قدرو يخترعو وسيلة للروحة عالقمر مو مثلنا شغلة صغيرة مو عارفين ننجز got it؟
ليش بتكره الغرب ومتنكرز منهم هالقد؟

من طرف **رامي العاسمي** الأحد مايو 03, 2009 12:20 am

أنا ما بكره الغرب ومو متنكرز منهم
بالعكس انا متابع آخر تطورات العلوم عندهم ..وبحب أفكار علمائهم الغريبة
بس أنا بوخذ من الغرب الشي الايجابي يلي ما بيتنافى مع عقيدتي
يعني مو ممكن بأي شكل من الأشكال اني أتشبه فيهم بلبس أو بـــ لوك أو بـــ تصرف خارج عن التزامنا بالمنهج الاسلامي
وبحب تصرفات بعضهم الأخلاقية
أما في ناس خلص (بنطلون ساحل وشعر مرفوع مثل القنفذ وقميص لعند حد البنطلون وحكي نص عربي ونص انكليزي ...والبنت لباس من غير هدوم وأحياناً مع اشارأو حجاب )
بنجن من هيك شخصيات وهم يلي بتنكرز منهم مش من الغرب بحد ذاتهم .
**********
هل تؤيدني بالرأي؟

من طرف **Dr.Mawaddah** الأحد مايو 03, 2009 12:32 am

ههههههههههههه رأيك انا بتنكرز منهم كلهم الا يلي بيحكو نص هيك ونص هيك بتعرف ليش؟
لأنو انت بتتعلم اللغة لتحكيها وتصير بالنسبة الك مثل العربية مو للدراسة فقط
نفس السؤال

من طرف **رجائي العاسمي** الأحد مايو 03, 2009 1:22 pm

الصدر أطيب شي..
إذا كنت برشلوني هل جاكرت المدريديين ولا واسيتهم بروح رياضية؟؟؟

من طرف **Avril Lavigne** الأحد مايو 03, 2009 1:25 pm

طيب بيصير جاوب؟؟؟
على اي حال
والله انا اليوم ندمت اني رحت عالمدرسة يا رجل العمى والله جاكروني كتير Sad

ولولا شوي كنت رح ابكي
لانو كل ما شوف حدا شو بقلي 6 والله كبيرة هي Sad

انت كونك مدريدي شو صار معك؟؟؟؟؟

من طرف **رجائي العاسمي** الأحد مايو 03, 2009 1:37 pm

والله كل البرشلونية ماعندهم روح رياضية مضولي اليوم كلو وهم يجاكرو فيي من بنات وشباب بس كانت أخلاقي عالية وعندي روح رياضية ومارديت على أي برشلوني أو مدريدي خائن الملكي لأني من العشاق الحقيقيين للنادي الملكي,بس الحقيقة مقهور ومتضايق خيرات الله ...شو بدنا نعمل خيرها بغيرها ......