الهندسة المعلوماتية

و الله انا ما بعرف بس يعني بعرف انو بيدرسو فيها كلشي عن الكمبيوتر
على اي حال نحنا عم ننتظر منك الشرح
مشكور

انا ما بعرف غير انو المعلوماتية صارت مهمة كتير بتمنى الرد بسرعة

اتوقع ان المعلوماتية صارت مهمة بحياتنا وفي مجالات الحياة جميعها

الهندسة المعلوماتية فرع حلو كتير وبدو يكون الطالب عبقري زمانو .......
اللي بعرفو إنها بتنقسم لقسمين أساسيين :معلوماتية واتصالات
وبالنسبة للمعلوماتية فيها اختصاصات كثيرة منها :شبكات وبرمجة وذكاء صنعي ...
ومن أسماءها واضح إنو الشبكات بتهتم بال server/client sideوتصميم أغلب ما له علاقة بال webوdescibtive languages مثل الhtml وxhtmlوjava script و php............
والذكاء الصنعي :يختص بدراسة الrobots وطريقة تصميمها.......
والبرمجة :بانشاء برامج باستخدام لغات برمجة متنوعة مثل:باسكال و c وjava و ++c


بانتظار الجواب.........

السلام عليكم ورحمة الله وبركاته
***********
أشكر الجميع على اهتمامهم وبالأخص god gift يلي أعطت لمحة عامة عن الهندسة المعلوماتية
أنا رح جاوب على السؤال بس على مراحل
في كلية الهندسة المعلوماتية ندرس كل ما يخص السوفتوير
. البرمجة: هي مزيج من العلوم والرياضيات والهندسة.

(Software): شيء غير ملموس إلى حد ما بالمقارنة مع المنتجات الأخرى، وهي سلسلة من آلاف أو ملايين الأوامر التي تطلب من الحاسوب إجراء عمليات معينة مثل عرض المعلومات، أو إجراء الحسابات، أو تخزين البيانات. هذه البرمجيات هي بمثابة الروح من الجسد في النظام الحاسوبي وهي في توسع دائم وازدياد في التعقيد والمتطلبات والمهام التي تقوم بتنفيذها.

ومثل ما ذكرت الاخت god gift في المعلوماتية ثلاث اختصاصات
1- هندسة البرمجيات
2- هندسة الشبكات
3- الذكاء الصنعي
وفي الحلقة القادمة سنتكلم عن أحد الأقسام
مشكورين ودمتم في رعاية الله

شكرا للتوضيح ان شاء الله مكملين معك....

شكرا لك اخي رامي على شرحك وتوضيحك
وننتظر منك المزيد
لانك اكبر منا وبتعرف اكثر
مشكورررررررر
وسلمت يداك

مشكووووووووووورر يا باش مهندس على المعلومات وان شاء الله تكون ذخر للمنتدى وننتظر المزيد

السلام عليكم ورحمة الله وبركاته
***************
Princess october road اللورد: أشكركم على مروركم العطر
وها أنذا أكمل معكم ما قد بدأناه
*************************
في السنتين الأولى والثانية تكون الدراسة عبارة عن مواد رياضيات من العيار الثقيل ومواد برمجة من العيار الأثقل اضافة الى مواد تعرفك بالهاردوير وآلية عمل الحاسب
طبعاً تكون الدراسة خلال السنة عبارة عن عملي ووظائف ومشاريع مشتركة ويتعود الطلاب على العمل الجماعي المشترك ونسيان العمل الفردي
طبعاً يتم التركيز على مادة البرمجة في كل فصل وتعطى لغات البرمجة
( لغة البرمجة هي لغة يتم كتابة البرامج بها ليقوم جهاز الحاسوب بتنفيذها. تقسم لغات البرمجة للحاسوب لعدة اجيال أو أنواع، بناء على قربها من اللغات الإنسانية وهي لغة التفاهم بين المبرمج والحاسب وأشهر لغات البرمجة (
سي c
سي++ c
جافا java
سي شارب c#
دلفي delphi
باسكال pascal
إس كيو إل sql
بي إتش بي php
جافا سكربتjava script

(

ويكون ناتج السنتين هو تأهيل الطلاب للمرحلة الجديدة وهي السنة الثالثة فما فوق
طبعاً خلال السنتين الأوليين تدرس الباسكال والسي بلص بلص c++
وهنا ندخل مرحلة جديدة وهي السنة الثالثة فما فوق
في الحلقة القادمة ان شاء الله تعالى
أسأل الله تعالى لي و لكم الفائدة والمتعة
دمتم في رعاية الله

الأخ رامي أشكرك على هالمعلومات الثمينة والتوضيح الرائع ....تحياتي

معلومات رائعة
يسلمو ايديك رامي
تقبل مروري

السلام عليكم ورحمة الله وبركاته
رجائي العاسمي.Avril Lavigne
أهلاً وسهلاً
بتشكركم على تعقيباتكم
وان شاء الله راح نكمل قريباً
دمتم في رعاية الله

شكراً عالتوضيح بس بدي اسأل هل لغة java script و php هي لغات برمجة أم لغات توصيفية ؟؟؟
وشكراً مرة أخرى.........

السلام عليكم ورحمة الله وبركاته
عفواً god gift
هي اللغات (java script و php ) هي لغات توصيفية
وسأبين الفرق بين لغة البرمجة واللغة التوصيفية في الأخير
شكراً على سؤالك
دمتِ في رعاية الله

شكرا لك أخي رامي على المعلومات

أهلا بالغالي ماجد
مشكور على مرورك

ممكن اذا سمحت تشرح أكثر عن السنة الاولى وهل دراسة المعلوماتية صعبة ولا مثلها مثل غيرها من الهندسات وهل الانتقال من محافظة الى محافظة يحتاج ترفع او نجاح بجميع المواد

السلام عليكم ورحمة الله تعالى وبركاته
************
بالنسبة لدراسة الهندسة المعلوماتية تعتمد على الشخص بحد ذاته وليس على الفرع
بس دراسة المعلوماتية بتحتاج لنشاط وجهد كبير يعني وظايف كثير ودوام عملي ويتعتبر الوظائف ودوام العملي هي الضامنة لأغلب علامة النجاح ومافي داعي للمقارنة مع الكليات الثانية لانو هي الهندسة الوحيدة يلي ما فيها هاردوير وفيها متعة كثير وصعوبة
والسنة الأولى المواد عبارة عن مادتين رئسيتين
البرمجة 1
البرمجة 2
ومواد تعرفة بأجزاء الحاسب ومبادئ الحاسب للطلاب يلي ما بتعرف على الحاسب
ومواد رياضيات حلوة
اضافة الى مادة مزعجة هي الدرات الكهربائية (لساتني حاملها)

والانتقال من محافظة الى محافظة اخرى يحتاج الى ترفع
ولكن النجاح يزيد فرص النقل طبعاً مع معرفة أن الاولوية للبنات
وفي معنا طلاب كثير نقلوا من محافظات ثانية ومعهم مواد

ان شاء الله كون قدمت شوية فائدة وصورة عن الكلية وأي استفسارات
أنا جاهز ان شاء الله
دمتم برعاية الله

الله يرضى عليك وشو هاي الدارات الكهربائية كمان يعني كثير صعبة لحتى حاملها كأنو مو بالصعوبة يلي كنت متخيلها

الله يرضى عليك

آمين من ثمك لباب السما

هي مو مادة صعبة بقدر ما هي مادة مزعجة وبدها وقت طويل لدراستها وبسبب ضغط الدوام الواحد بحسها ملبكة وما في وقت لدراستها بس هيك قصتها بس بعتقد بجامعات غير دمشق تكون أسهل شوي

أي استفسارات أخرى دائماً في الخدمة
دمتم برعاية الله