فتاة الأنترنت .... "رأيك يهمني"

السلام عليكم ورحمة الله وبركاته
مساء الرضا والعافيه والمشاعر الدافيه
شباب وشابات المنتدى استهدفني هذا الموضوع اللي حابه انكم تشاركون برايكم فيه
طبعا بعد ماتقرون هذي القصه اللي هي كالتالي :

جاءت اليها أمها ووجها يتهلل بالبشر تكاد اساريرة ان تنطق فرحا وقالت بنيتي لقد جاء فلان وابنه لخطبتك.

الجم الفرح الفتاة واخرس لسانها ونطقت عيناها ببريق السرور (الان سيتحقق حلمي, ابني بيتا من السعادة واربي جيلاً يكون قطعتا مني اربيه على ناظري يكون عونا لي في الدنيا وذخرا لي في الاخرة) لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقضتها............

وافق ابوها على الخطبة وتمت الرؤيه الشرعية سر بها العريس وسرت به وابتدء الجميع يوزعون رقاع الدعوة لليلة الفرح الموعودة.

ذهب العريس الى عملة اخبر بعض اصحابه بأنه سيتزوج ابنة فلان بارك له الجميع وفي اليوم التالي جاءه احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام؟؟؟؟؟؟؟

قال زميله خطيبتك كاتبه في منتدى بالاسم الفلاني ؟

قال وما ادراك ومن اعلمك ؟

قال اختي تعرفها واسرت لها بذلك .......وهي تكتب باسم مستعار.... اتريد ان ندلف الى المنتدى لنشاهد مواضيع خطيبتك ؟

قال العريس والعرق يتصبب ولما لا؟

فتح الزميل المنتدى استخرج بالبحث جميع مواضيعها ثم بدأ الاثنان في التصفح..... فهاهي ترد على فلان وتشكر فلان وتتناقش مع فلان وتضحك من طرفة فلان.... وهذا فلان يمدح ماتكتب ويثني على ماتقدم وهي ترد عليه بالثناء والشكر.

احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم خطيبتي ,قالت امها لامانع اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل؟

لكنه فاجاءها بسؤال واحد........هل انتي الكاتبة الفلانية في المنتدى الفلاني ؟؟؟؟؟؟؟

قالت نعم انا هي.

قاطع حديثها وقال اسف انا لا اتزوج فتاة انترنت. وأطبق السماعة ......


بدي راي الطرفين من شباب وشابات
شو رايك بالموقف اللي صار بالقصه وشو الفرق بين فتاة الانترنت وفتى الانترنت مع العلم ان مافي بيت خالي من هذي الشبكه وياريت اللي يصوت بالاستفتاء يقولنا شو اسباب اختياره .... للفائده وانارة العقول

السلام عليكم ورحمة الله
أختي اتشكرك بدايةً على طرحك هذا الموضوع الواقعي
أنا رأيي باختصار هذا مش منطق ...لأنو البنت مسجلة بمنتدى كل الناس بتعرفو وردت على مواضيع مطروحة امام الكل وماشاكلت حدى بشكل خاص فهذا الأمر عادي ..وبالنهاية هالشي بيتعلق بوعي البنت وأخلاقها وتوجيه أهلها ومراقبتهم ..لأنو البنت كمان إنسانة فإذا انحرمت من بعض شغلات مقارنة بالشب لأنو هيك فرضت الأخلاق وعادات مجتمعنا وتقاليدو ..ممكن تعوضو عالم التكنولوجيا والعلم والمعرفة وحتى الترفيه وهو الانترنت بشرط المراقبة والتوجيه السليم....مشكورة

.

شكرا لمشاركتك اخ رجائي..
وأنا معك لأنو البنت اللي بتحترم نفسها ع النت فهي اكيد بتفرض ع الكل احترامها وما حدا بيقدر يحكي معها اي كلمة.
بس مع ذلك كل ما كانت مواضيعها هادفة وبعيدة عن الأشياء اللي مالها لزوم فأكيد بيكون وجودها أهم..... أما بالنسبة للترفيه فأكيد لازم يكو بحدود وعدم تجاوز الخط الأحمر لأنو شو ما صار بتضل البنت دايما محط أنظار الجميع ومستهدفة من الكل .

أنا برأيي لو الشباب بيعطوا رأيهن بهيك مواضيع ...

بس شكلو بعد فترة حيصيروا البنات يحكوا اذا هل الشب بفتح نت ومشارك بمنتديات ما رح وافق عليه لو كان شو ما كان !!!

طبعا ما بصير لانو ع هل الحالة ما حدا بيتزوج...بس اهم شي برأيي ينتبهوا الشباب والبنات من غرف الدردشة يعني بضل المنتدى مراقب اكتر ..لانو كثير بلاوي عم بتصير من ورا تعارف النت هاد اللي عم بخرب البيوت


لاحول ولا قوة الا بالله ..ثبتني الله واياكم

أشكرك

صحيح لازم الكل ينتبه من الدردشة مثل ماقلتي في كثير تعارف ع النت بتخرب بيوت..
نورتي

موضوع دخول البنت للنت موضوع عادي ويمكن أقل من عادي...
لانو ما عم تعمل شي غلط...كل شي واضح وصريح...يعني أكيد ما تنرحم من النت كمان!!...
وبالنهاية كلو بيتبع للبنت وشو هي...!!!
ويلي قد حاله ما بينخاف عليه...
يسلموووووو

أهلين أفرل نورتي

صح "يلي قد حالها مابنخاق عليها"..
وبس ..هاد أهم شي

أولاً رح أذكر الفرق بين " فتى الإنترنت " و " فتاة الإنترنت " ......... و لما نحكي عن هيك
شي لازم نتذكر محدودية " حرية المرأة " قدام " حرية الرجل " .......... لأنو الدين
الإسلامي ما قال " الرجل يساوي المرأة " ، يعني باختصار فتى الإنترنت بكون مالك أمرو
و قد حالو أما الفتاة رح يكون صعب عليها ......... بس مع هيك ما فينا نحكي على فتاة
الإنترنت لأنو عم نشوف أمثلة خرقت هالشي " لحظة أمل " و " جود " ........

آخر شي رح تضل " بنت اللا إنترنت " أفضل من " بنت الإنترنت " و إن تساويتا في الأدب ..

و أنا آسف لأنو نظرتي " مستشرقة " .... مع إني معجب بالغرب ... بس ديني هو الإسلام
و لما تقررت " حرية المرأة " مو محمد اللي قررها ... أكيد " رب العالمين " و لأنو رب
رب العالمين " منزه عن الخطأ " فأنا ملتزم بالشي اللي قرروا .............. تقبلي المرور

تفريق بين الرجل و المرأة "تفريق عنصرية " هو هيك الصح.
بس كمان ماني معك بأنو البنت صعب عليها تكون قد حالها ... لأنو أنت ما بتعرف جنس حوا ( إذا حطن ببالهن شي أي القرود السود ما بيخلوهن يتراجعن عن هالشي ) ... والبنت اللي بدها تكون قد حالها بتكون .
" بنت اللا إنترنت " أفضل من "بنت الأنترنت " يمكن هيك بس مو الكل ..
و آخر شي بنظرتك هاد كلو بعود لألك .... كل واحد بهالدنيا عندو نظرة خاصة ..

أهلين نورت ....

سبق وان تحدثنا في مثل هذا الموضوع وكان رايي سلبي في تلك اللحظات ولكن الشي الصحيح هو ان كل من يلزم حدوده ويعرف ما له وما عليه فله يستطيع ان يفعل ما يريد ويدخل اينما يريد
طبعا مع الاحتفاظ برايي في البنات انن ما بيستاهلو ثقة بسة فكيف بدو يثق بيهن بني ادم

مشكورة على الموضوع الجميل

مسا الخير ..قصدي صباح الخير..
أنا رأيي من رأي مودة و أيفرل و رجائي...
الموضوع تااااااافه وما فيو شي غلط ...
و الله هاي سولافة.... أما المسنجر و التشات و غيرو غيراتو ...أكيد كل واحد منا( مو بس البنت) لازم يحترم حالو ويلتزم حدوده... أنا هيك شايفة ...
ومشكورة ع الموضوع...

??!!

ملاحظة: في بنات عم بفوتوا باسم شباب و شباب عم يفوتوا باسم بنات
وأنا رأيي من رأي مودةو رجائي...

مودة و زهرة البنفسج و وايت انجل بعتقد أنو الموضوع مانو تافه ع الخالص
بالعكس الموضوع هاد اللي برأيي مهم و لازم يتناقش فيو يمكن برأيكون هيك.. أما برأي الغير (الشباب)
مو هيك.. و آخر شي لما بدك تتزوجي أكيد اللي رح يفكر فيكي رح يفكر أول شي بردودك
ما بعتقد أنو في واحد ممكن يقبل "مرتو" يعني العيلة تبعيتو بتضحك مع هاد و مابعرف شو مع هاد ... و آخيرا و ليس أخرا " كل واحد هو تربايتو"
أما أنا فعجبني رد هتلر و Garry و رجائي مع أحترامي لباقي الردود طبعا" بس هاد رأيي"
بس يا هتلر مو كل البنات مثل ما أنت بتتوقع في هيك و في هيك..

و أنا بقول لو الشباب اللي يعطو رأيهم بهالموضوع بكون أحسن

موهيك بيتعالج هل الموضوع وانا بشوف انو مو تافه كمان بس كل شخص بيعرف حالو انتي قلتي الشباب بس انا حاب اعطي رأيي في حال البنت قررت تتزوج فالنت رح يكون من الماض لانو بصير عندها التزامات كتير وخاصة اذا كانت عاملة و اذا فتحت النت فرح يكون ضمن مجال العمل او الطبخ
او اي شي الو علاقة بالبيت او منشان تحكي مع اهلها وصديقاتها وزوجها كمان
البنت بتكون عم تغلط في حال فتحت صفحات غريبة وكانت مشاركة فيها وتمزح مع ناس ما بتعرفهم انا بشوف انو نحنا بالموقع ما في مشكلة اذا مزحنا مع بعض لان كلنا زملاء بالمدرسة وانشاء الله متل الاخوة

كلامك فيو شي من المنطق وانا معك بالجزأ الاول من الكلام بس انت عم تقولي انو نحنا كلنا هون اخوة هلأ انت بتعرفي كل الموجودين هون
أصلا أنا متأكدة انو انت ما بتعرفيني ..بتعرفيني شي؟.................................أكيد لأ وانا ما بعرف مين انت فكيف بتأمني لحدا ما بتعرفيه وبتقولي انو إخوة .. فلهيك ليش مو من البداية الوحدة فينا تدير بالها على حالها وتلتزم.
على فكرة . أختي بتحكيلي انو انا معقدة الامور زيادة عن اللزوم وانو ما في مشكلة اذا اخدت وعطيت مع اللي بعرفهن ضمن الحدود وعاددي ..
بس رأيي مانو مثل رأيها ع الخااالص .

موضوع بعيد عن المنطقية سفر قرن ونص لأنو هالقصة مو بعيد عنها تصير بمنتدانا لا سمح الله ومثل ما تفضل الأخ رجائي إنو البنت لازم تحترم نفسها بكل مجالات الحياة وخاصة مجال النت وخاصة إذا إرتخى لها الحبل في المنزل
وبعدين يا أخت pink heart يلي بدو يقارن الشب بالشابة وخاصة بمجال النت بفوت بمتاهات ما إلو فيها لأنو مجتمعنا بهالأيام ما بيرحم كما نسمع المقولة الشهيرة الشب وين ما راح وين ما إجى بظل شب هيك بقول واقعنا مو لأني شب
في النهاية موضوح لا بأس جميل ومثير للنقاش والجدل مشكورة

ما أنا هاد كلامي أنو مجتمعنا ما بيرحم و خاصة مجتمعنا
و أنا بصراحة صحيح أني بنت و بفوت ع النت
بس لو كنت شب ما كنت فكرت أخد بنت أنترنت مو قصدي عن حدا يعني أنا ما عم أقصد وحدة من البنات قصدي عن كل البنات ما أنا وحدة منكون..
و نحنا لازم نمشي متل ما مجتمعنا بدو مو متل ما نحنا بدنا لأنو يمكن هيك الصحيح..

يعني هو من السخافة اني رد اكثر من رد بس الصراحة السخافة في بعض الاعضاء اللي رفعوا ضغط الدم تبعي وحاسس راسي راح ينفجر من قلة عقل بعض الاعضاء
يعني كل شي عندكم ما بصير وعند غيركم بصير
يا اخي اكبروا شوي واعقلوا جاييتكم ايام سودا وبتعرفوا ساعتها شو معنى كلام اللي اكبر منكم

أول شي مو من السخافة انك ترد أكثر من رد هاد شي عادي

ثاني شي أنا رأيي كان واضح واللي مو فاهمو هي هو
"أنا برأيي أنو عادي البنت تفوت ع النت بس بأدب يعني مواضيعها أو ردودها كلها تكون ضمن الحدود يعني ما تضحك مع هاد و تنكت مع هاد.. هاد كلو برأيي مالو لزوم "
و كل واحد بمشي بأصلو..

هاد يا شباب ويا صبايا انا في مثل قلياه واحد وعجبني ( اذا ثلاثة قلولك راسك مو عليك اتلمسو )
اي بمعنى انو رئي الجماعة بكون على الاغلب هوا الصائب لانو هالناس عندها تجارب وعم تطرح ملخص تجربة مرت فيها

فأنا صرلي مدة طويلة معاشر للانترنت وبصراحة لهلء ما عجبتني بنت الانترنت
لانو الانحراف فالانترنت موجود ومتوفر وفضول الانسان غــلاب في بعض المراحل فمو من المعقول انو البنت ما تحب تتطّلع على التشات والتجمعات الشبابية
واذا في بهالدنية شي الغلط فيو اكثر من المنيح فمن الواجب تركو يعني المخاطرة مو منيحة بهيك امور
مع كامل احترامي لكل اغزائي وعزيزاتي بالمنتدى

( هناك رادع ديني يقف امامنا من الواجب رئيته وحترامه )
( نحن بمجتمعات شرقية محافظة لا نحب افكار الغرب المخربة )


دمنا بوعي اكثر .....

السسلام عليكم
بتمنى من الجميع يتقبل وجودي بالمنتدى وأنا بدوري بشكرك كثير على الموضوع بس راح احكي كلمتين وانشالله يكون ردي كافي
بنت النت أذا كانت ملتزمه وتعرف حدودها مومشكله لاني احيانا الانسان ما بقدر يعبر عن مشاعر داخلو او اي بكون بداخل ممكن يعبر لشخص على النت بس يكون ملمتزم وبعرف وين حدودو ومؤمن صدق الايمان انو ربنا شايف اعمله وخلينا نكون اكبر عقلانيه مش تصرفات طايشه وتفكير بالحب والهل والعب الحياة موسهله مثل ما البعض بفكر وشــــــــــــكرأًَ ،.